ក្រសួងសេដ្ឋកិច្ច នឹងពិនិត្យមើលខុនដូរបស់កូនតំណាងរាស្ត្រជប៉ុន បន្ទាប់ពីមានរឿងអាស្រូវ
ភ្នំពេញ: មន្ត្រីក្រសួងសេដ្ឋកិច្ច និងហិរញ្ញវត្ថុបានឲ្យដឹងថា ក្រសួងនឹងធ្វើការស្រាវជ្រាវពិនិត្យមើលឡើងវិញ ចំពោះការសាងសង់ខុនដូនៅកម្ពុជា ដោយក្នុងនោះ មានខុនដូដែលជាកម្មសិទ្ធិរបស់ជនបរទេសមួយចំនួនផងដែរ ដើម្បីឲ្យម្ចាស់ទៅចុះបញ្ជីនៅក្រសួង ឲ្យបានត្រឹមត្រូវតាមច្បាប់ ដោយសារតែកន្លងមក មានខុនដូមួយចំនួន មិនទាន់បានទៅចុះបញ្ជីនៅឡើយទេ។
ការបញ្ជាក់បែបនេះ គឺបន្ទាប់ក្រុមមេធាវីជប៉ុន និងអ្នកជំនាញជប៉ុន បានធ្វើសន្និសីទកាសែត កាលពីរសៀលថ្ងៃទី១៥ ខែតុលា នៅសណ្ឋាគារ កាំបូឌីយ៉ា ស្តីពី “កិច្ចប្រជុំ ដែលមិនត្រូវអនុញ្ញាតឲ្យមានការលួចបន្លំ នៅក្នុងប្រទេសកម្ពុជា” ចំពោះប្រជាពលរដ្ឋជប៉ុន ដែលនៅកម្ពុជា មិនអនុញ្ញាតឲ្យមានការធ្វើខុសច្បាប់ នៅក្នុងប្រទេសកម្ពុជាឡើយ។
សន្និសីទកាសែតនោះ មានការចូលរួមពីមន្ត្រីក្រសួងសេដ្ឋកិច្ច និងហិរញ្ញវត្ថុ រួមទាំងមន្ត្រីពាក់ព័ន្ធមួយចំនួនផងដែរ។
លោក ថានី ស៊ូនយី (Sunnji TANI) ប្រធានក្រុមមេធាវីជប៉ុន បានថ្លែងថា សនិ្នសីទកាសែតនេះ ធ្វើឡើង ដើម្បីប្រកាសដល់ប្រជាពលរដ្ឋជប៉ុន នៅប្រទេសកម្ពុជា កុំធ្វើអ្វីដែលខុសច្បាប់ នៅក្នុងប្រទេសកម្ពុជា ពីព្រោះលោកបានដឹងថា បច្ចុប្បន្ននេះ មានការវិនិយោគដ៏គ្រោះថ្នាក់មួយ ដោយមានប្រជាជនមិនល្អមួយចំនួន បានបន្លំភ្នែកប្រជាពលរដ្ឋជប៉ុនដូចគ្នា កាន់តែកើនឡើងៗ ដែលជាហេតុធ្វើឲ្យទឹកប្រាក់ នៃការវិនិយោគនៅប្រទេសកម្ពុជា មានចំនួនទាបបំផុត ដែលបញ្ហានេះ គឺជារឿងអកុសល សំរាប់ប្រទេសទាំងពីរ គឺកម្ពុជា-ជប៉ុន។
ការបញ្ជាក់បែបនេះ គឺបន្ទាប់ក្រុមមេធាវីជប៉ុន និងអ្នកជំនាញជប៉ុន បានធ្វើសន្និសីទកាសែត កាលពីរសៀលថ្ងៃទី១៥ ខែតុលា នៅសណ្ឋាគារ កាំបូឌីយ៉ា ស្តីពី “កិច្ចប្រជុំ ដែលមិនត្រូវអនុញ្ញាតឲ្យមានការលួចបន្លំ នៅក្នុងប្រទេសកម្ពុជា” ចំពោះប្រជាពលរដ្ឋជប៉ុន ដែលនៅកម្ពុជា មិនអនុញ្ញាតឲ្យមានការធ្វើខុសច្បាប់ នៅក្នុងប្រទេសកម្ពុជាឡើយ។
សន្និសីទកាសែតនោះ មានការចូលរួមពីមន្ត្រីក្រសួងសេដ្ឋកិច្ច និងហិរញ្ញវត្ថុ រួមទាំងមន្ត្រីពាក់ព័ន្ធមួយចំនួនផងដែរ។
លោក ថានី ស៊ូនយី (Sunnji TANI) ប្រធានក្រុមមេធាវីជប៉ុន បានថ្លែងថា សនិ្នសីទកាសែតនេះ ធ្វើឡើង ដើម្បីប្រកាសដល់ប្រជាពលរដ្ឋជប៉ុន នៅប្រទេសកម្ពុជា កុំធ្វើអ្វីដែលខុសច្បាប់ នៅក្នុងប្រទេសកម្ពុជា ពីព្រោះលោកបានដឹងថា បច្ចុប្បន្ននេះ មានការវិនិយោគដ៏គ្រោះថ្នាក់មួយ ដោយមានប្រជាជនមិនល្អមួយចំនួន បានបន្លំភ្នែកប្រជាពលរដ្ឋជប៉ុនដូចគ្នា កាន់តែកើនឡើងៗ ដែលជាហេតុធ្វើឲ្យទឹកប្រាក់ នៃការវិនិយោគនៅប្រទេសកម្ពុជា មានចំនួនទាបបំផុត ដែលបញ្ហានេះ គឺជារឿងអកុសល សំរាប់ប្រទេសទាំងពីរ គឺកម្ពុជា-ជប៉ុន។
លោកបន្តថា “ឥឡូវនេះ មានបញ្ហាជាច្រើន គឺការប្រតិបត្តិខុស ដោយប្រើអចលនទ្រព្យ ដោយការលួចបន្លំ ដែលក្នុងនោះមានឈ្មោះ ខុនណូ ម៉ាសាហ៊ីកូ ដែលជាតំណាងឲ្យក្រុមហ៊ុនចំនួន២ ហើយឈ្មោះនោះ គឺជាកូនប្រុសរបស់តំណាងរាស្ត្រនៅប្រទេសជប៉ុន។ ដោយបានប្រព្រឹត្តខុសលើបញ្ហាអចលនទ្រព្យ ដោយមិនមានអាជ្ញាប័ណ្ណ នៃជំនួញអចលនទ្រព្យទេ ហើយបាននិយាយថា មានអាជ្ញាប័ណ្ណអចលនទ្រព្យទៅលើអ្នកវិនិយោគជប៉ុន ហើយបានលក់អចលនទ្រព្យកម្ពុជា ទៅឲ្យជនជាតិជប៉ុនទៀតផង។ ជននោះ បានលក់អចលនទ្រព្យជាច្រើន ដែលជាខុនដូរនៅប្រទេសកម្ពុជា មាននៅទីក្រុងភ្នំពេញ និងខេត្តព្រះសីហនុ ហើយតាមពាក្យបណ្តឹង ដែលទទួលបានក្នុងម្នាក់ៗ ចាញ់បោកប្រមាណ ១៤ ម៉ឺនដុល្លារ”។
លោក ថានី ស៊ូនយី បានអះអាងថា “ឈ្មួញវិនិយោគមិនត្រឹមត្រូវខាងលើនេះ គឺគ្រាន់តែ ជាឧទាហរណ៍ប៉ុណ្ណោះ ហើយនៅមានអ្នកវិនិយោគមិនសុចរិតផ្សេងទៀត ដែលលោកសូមអំពាវនាវឲ្យបញ្ឈប់សកម្មភាពទាំងអស់នេះ”។
ចំណែកលោក ខុនណូ ម៉ាសាហ៊ីកូ មិនអាចសុំការអត្ថាធិប្បាយបានទេ ពាក់ព័ន្ធការលើកឡើងរបស់ក្រុមមេធាវី និងអ្នកជំនាញជប៉ុនខាងលើនេះ។
រីឯមន្ត្រីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ ដែលសុំមិនឲ្យបញ្ចេញឈ្មោះ បានផ្តល់សំភាសន៍ដល់ក្រុមអ្នកកាសែត បន្ទាប់ពីសន្និសីទកាសែតថា ចំពោះករណីនេះ ខាងក្រសួង នឹងស្រាវជ្រាវរឿងនឹងឡើងវិញ ដើម្បីឲ្យបានច្បាស់លាស់ ហើយលោកនឹងជូនព័ត៌មាននៅពេលក្រោយ។ លក្ខខណ្ឌរបស់ក្រសួងសេដ្ឋកិច្ច និងហិរញ្ញវត្ថុ តម្រូវនៅពេលដែលមានលិខិតអនុញ្ញាតសាងសង់ពីក្រសួងដែនដី ហើយត្រូវសុំអាជ្ញាប័ណ្ណអភិវឌ្ឍន៍លំនៅដ្ឋានពីក្រសួងហិរញ្ញវត្ថុ ទើបគាត់មានសិទ្ធិប្រកាសលក់។ ប៉ុន្តែមានក្រុមហ៊ុនមួយចំនួន ទទួលបានលិខិតអនុញ្ញាតិសាងសង់ហើយ ប៉ុន្តែមិនទាន់មកសុំខាងក្រសួងទេ ហើយរយៈពេលក្រោយ ទើបគាត់មកសុំ៕ ប្រភព ៖ CEN
