ពលរដ្ឋមានជម្លោះដីពីខេត្តព្រះវិហារត្រូវបានកងសន្តិសុខរារាំងមិនឲ្យទៅជិតផ្ទះនាយករដ្ឋមន្ត្រី
ប្រជាពលរដ្ឋនិងព្រះសង្ឃ ប្រហែល ១០០ នាក់និងអង្គ មកពីខេត្តព្រះវិហារបាននាំគ្នា ទៅដាក់លិខិតសុំអន្តរាគមន៍ ដោះស្រាយទំនាស់ដីធ្លី នៅខុទ្ទកាល័យ លោកនាយករដ្ឋមន្ត្រី ហ៊ុន សែន ប៉ុន្តែ កងសន្តិសុខបានរារាំង មិនឲ្យទៅជិតឡើយ។ តែពុំមានអំពើហិង្សា ឬការប៉ះទង្គិចកើតមានទេ។
លោក ហេង ពិសិដ្ឋ យុវជនឃ្លាំមើលការអភិវឌ្ឍសង្គម ដែលចូលរួមតាមដានការតវ៉ានោះ បានឲ្យដឹងថា ពលរដ្ឋមានជម្លោះដីទាំងនោះ គឺមាន៧៨ គ្រួសារ រស់នៅភូមិហ្មសែត ឃុំប៉ាលហាល ក្រុងព្រះវិហារ មានជម្លោះដីលំនៅឋាន ៨ហិកតារ និងដីបង្កបង្កើនផល ៣៥ ហិកតារ និងពលរដ្ឋ ២៥៣ គ្រួសារទៀតមកពីភូមិស្វាយជ្រុំ ឃុំកន្ទួត ស្រុកជាំក្សាន្ត មានជម្លោះដីសរុប ៥៧៥ហិកតារ។
លោក ហេង ពិសិដ្ឋបន្តថានៅព្រឹកនេះ មុនពេលហែក្បួន ទៅខុទ្ទកាល័យលោក ហ៊ុន សែន ពលរដ្ឋបានហែដាក់ញត្តិទៅដាក់តាមស្ថានទូតនានាមាន ស្ថានទូតចិន រុស្សី អូស្ត្រាលី និងរដ្ឋសភាជាដើម ដើម្បីឲ្យជួយធ្វើអន្តរាគមន៍ទៅរដ្ឋាភិបាល ជួយដោះស្រាយដីធ្លីជូនពួកគាត់។
សូមរង់ចាំអានព័ត៌មានពិស្ដារ…
ប្រភពពី វិទ្យុអាស៊ីសេរី
