នេះ​ជា​ទង្វើ​ដ៏​កម្រ​មាន និង​គួរ​ឲ្យ​លើកតម្កើង​ណាស់ !​។ តាម​នោះ នាយក​សាលា Alexandru Grigore Popescu បាន​បង្រៀន​នៅ​សាលាបឋមសិក្សា Puchenii Mosneni (​ភាគខាងត្បូង​រ៉ូ​ម៉ា​នី​) រយៈពេល ៥០ ឆ្នាំ មុនពេល​លោក​ស្លាប់ ។​ Popescu បាន​សរសេរ​ក្នុង​បណ្តាំ​របស់ខ្លួន​ថាៈ លោក​តែងមាន​សុ​បិ​ន្ត​ចង់​ឲ្យ​សាលា​ដែល​លោក​បង្រៀន​នេះ មាន​គ្រោងឆ្អឹង​សិប្ប​និមិត្ត​មួយ ជួយ​ឲ្យ​ប្អូនៗ​ងាយ​ទទួលយក​មេរៀន​ជីវវិទ្យា​។ ប៉ុន្តែ ដោយសារ​ទីនោះ​ជា​កន្លែង​ដាច់ស្រយាល ហើយ​ក្រីក្រ​ផង សាលា​ពុំមាន​លទ្ធភាព​ដើម្បី​ទិញ​បាន ។ ហេតុ​នេះឯង មុនពេល​ស្លាប់ ន​យា​ក​សាលា​រូបនេះ បានសម្រេច​ចិត្ត​បរិច្ចាគ​គ្រោងឆ្អឹង​របស់ខ្លួន​ទុក​ឲ្យ​សាលា​យកទៅ​បំរើការ​ បង្រៀន​សិស្ស ។​
​ក្រោយពេល​លោកគ្រូ​នាយក​ស្លាប់​នោះ គ្រោងឆ្អឹង​របស់លោក​ត្រូវបាន​ស្ថាប័ន​សុខាភិបាល​នាំយកទៅ​ពិនិត្យ​យ៉ាង​ ម៉ត់ចត់ បំណង​ធានា​សុវត្ថិភាព​អនាម័យ​ដល់​សិស្ស​… រហ​តូ​ទល់​ពេលនេះ គេ​បានប្រគល់​ឲ្យ​សាលា​ទុកជា​សប្ប​និមិត្ត ។​
​លោកគ្រូ អ្នកគ្រូ នៅ​ទីនោះ ចែករំលែក​ថា សិស្ស​ទាំងឡាយ​ហាក់ដូចជា​ពុំមាន​ការខ្លាច​ញញើត​ប​ន្តិ​ច​ណា​សោះ ក្នុងការ​សិក្សា​អនុវត្ត​ជាក់ស្តែង ។ ផ្ទុយទៅវិញ វា​បានធ្វើ​ឲ្យ​ពួកគេ​រង់ចាំ​ដល់​ម៉ោង​រៀន​…​ជីវវិទ្យា​តែម្តង ។​
Violeta Badea ដែលជា​នាយក​សាលា​បច្ចុប្បន្ន​នេះ ពោលថាៈ “​ទឹកចិត្ត​ប៉ងប្រាថ្នា​របស់លោក​គ្រូ Popescu បានសម្រេច​ហើយ ។ លោកគ្រូ​ពុំ​ចង់​ឲ្យ​គ្រា​លាចាក​លោក​ទៅ ត្រូវ​សម្ងំ​ក្រោម​ដី ‘៣​តឹក​’ ។ គាត់​ចង់​បរិច្ចាគ​វា​ឲ្យ​សាលា​… ដែលជា​ទង្វើ​មួយ​បង្ហាញថា លោកគ្រូ​ជានិច្ចកាល​នៅក្បែរ​ប្អូនៗ ជួយ​ដល់​ប្អូនៗ​ក្នុងការ​សិក្សា​” ៕​