សមត្ថកិច្ចប្រទះឃើញរណ្តៅរ៉ែជាង ៦០ នៅខេត្តបាត់ដំបង ក្រុមជនងងឹតលួចជីក ឬបូមដោយខុសច្បាប់
បាត់ដំបង:៖ យ៉ាងហោចណាស់ក៏មានរណ្តៅរ៉ែ ដែលជនសង្គមងងឹតជីករ៉ែ ឬបូមរករ៉ែ ដោយធ្វើឡើងខុសច្បាប់នៅចំនុចភូមិថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង មានចំនួន ៦១ រណ្តៅ។ រណ្តៅរ៉ែមាសដែលរកឃើញនេះ គឺតា មរយៈក្រុមគណៈកម្មាការចំរុះមួយក្រុម មានអាជ្ញាធរស្រុកភ្នំព្រឹក អាជ្ញាធរស្រុកភ្នំព្រឹក អាជ្ញាធរឃុំ អាវុធហត្ថស្រុក ប៉ុស្តិ៍រដ្ឋបាលនគរបាលព្រំដែន បានចុះទៅពិនិត្យ ហើយរកឃើញនៅពេលថ្មីនេះៗ។
ក្រុមមន្ត្រីនិយាយថា ចំនុចរកឃើញរណ្តៅរ៉ែក្នុងស្រុកភ្នំព្រឹក ខេត្តបាត់ដំបងនោះ គឺមានចំនុចឈមជាមួយនឹ ងទឹកដីថៃត្រង់ភូមិប៉យ៉ា ឃុំធុងកាណាន ស្រុកសយដាវ ខេត្តចាន់បុរី។
ក្រុមមន្ត្រី ដែលចុះទៅដល់កន្លែងកើតហេតុបានបញ្ជាក់ថា រណ្តៅរ៉ែ ដែលរកឃើញនោះ មានចំនួន ៦១ រណ្តៅ ទាំងតូចទាំងធំ។ ហើយក្នុងចំណោមរណ្តៅទាំង ៦១ នោះ គឺមានរណ្តៅជីកថ្មីចំនួន ១៥ រណ្តៅឯណោះ។ ចំនុចរ៉ែ ដែលគេជីករួចហើយនោះមានរង្វង់ផ្ទៃដីសរុបប្រមាណ ៣២០០ ម៉ែត្រការ៉េឯណោះ។
មន្ត្រីទទួលខុសត្រូវនៅទីនោះ បញ្ជាក់ថា សកម្មភាពជីករករ៉ែនៅទីនោះ បានកើតមានជាច្រើនខែឆ្នាំមកហើយ ប៉ុន្តែគេធ្វើតាមព្រៃ មាត់អូរ ក្នុងអូរដែលមានការលាក់បាំង មិនឲ្យអាជ្ញាធរមានសមត្ថកិច្ចដឹងឡើយ។
ប៉ុន្តែប្រភពមួយបញ្ជាក់ថា ការធ្វើអាជីវកម្មជីករ៉ែនេះកើតមានជាច្រើនខែឆ្នាំបែបនេះ ប្រហែលជាមិនអាចគេចផុតពីការដឹងរបស់សមត្ថកិច្ចនៅទីនោះឡើយ ឬមួយសមត្ថកិច្ចដឹងដែរ ប៉ុន្តែពួកគេបិទភ្នែកទើបនៅពេលបែកធ្លាយក៏នាំគ្នាចុះទៅពិនិត្យស្រាវ ជ្រាវបែបនេះ។
ប្រភពខាងលើបានបញ្ជាក់ថា ការជីករ៉ែនេះដែ គឺគេជីកជារណ្តៅ ហើយរាវរករ៉ែគ្រប់ប្រភេទ និងមួយផ្នែកទៀត គេជីកហើយធ្វើការបូមដីដែលសង្ស័យថាមានរ៉ែ យកមករែង ដើម្បីរកមើលបំណែករ៉ែគ្រប់ប្រភេទទាំងនោះ។
គេមិនទាន់ដឹងថា ចំនុចកើតហេតុនោះ តើសមត្ថកិច្ចពាក់ព័ន្ធ ចាត់វិធានការ ឬកសាងសំនុំរឿង ក្នុងកំរិតណាទេ ដោយអាជ្ញាធរលួចបញ្ជាក់ថា កំពុងធ្វើរបាយការណ៍ជូនទៅថ្នាក់លើ ដើម្បីពិនិត្យសំរេច។
ប្រភពខាងលើបន្តថា ក្រៅពីក្នុងទឹកដីខ្មែរ នៅកន្លែងកើតហេតុ គឺនៅឯទឹកដីថៃ ក៏មានការជីករុករករ៉ែនេះដែរ គឺធ្វើឡើងដោយជនជាតិខ្មែរ និងជនជាតិថៃខ្លួនឯង៕H/N
អាជ្ញាធរមានសមត្ថកិច្ចចុះពិនិត្យ ហើយរកឃើញរណ្តៅជីករករ៉ែជាង៦០រណ្តៅនៅចំនុចព្រៃស្រុកភ្នំព្រឹក ខេត្តបាត់ដំបង
ប្រភពពី CEN
