បាក់ច្រាំងទន្លេនៅស្រុកកងមាស ផ្ទះពលរដ្ឋ ២៨ខ្នងដែលនៅជាប់មាត់ទន្លេនោះ ប្រឈមការរុះរើ
កំពង់ចាម៖ បន្ទាប់ពីបាក់ស្រុតច្រាំងទន្លេ ស្ថិតនៅភូមិបឹងសាងកើតឃុំសូរគង ស្រុកកងមាស ខេត្ដកំពង់ បណ្តាលឱ្យផ្ចះមួយខ្នង ទំហំ១០០ម៉ែត្រគុណ២០០ម៉ែត្រ និងបង្គោលភ្លើង១ដើម បានបាក់ចូលទន្លេទាំងគំហុកកាលពីយប់ថ្ងៃទី១៧ ខែតុលា ឆ្នាំ២០១៤ហើយនោះ ផ្ទះប្រជាពលរដ្ឋ ចំនួន ២៨ខ្នង ដែលនៅជាប់មាត់ទន្លេ ត្រូវប្រឈម នឹងការរុះរើចេញ ជាបន្ទាន់ ព្រោះបារម្មពីការបាក់ ឫស្រុតចូលទន្លេ។
មន្រ្តីនគរបាល ស្រុកកងមាស បានថ្លែងឲ្យដឹងថា ច្រាំងទន្លេ ត្រូវបានបាក់ និងស្រុតចូលទៅក្នុងទឹកទន្លេជាបន្តបន្ទាប់ អាចនាំឲ្យមានគ្រោះថ្នាក់ដល់ប្រជាពលរដ្ឋ។ដូច្នោះ កម្លាំងសមត្ថកិ ត្រូវតែធ្វើការការរុះរើ ផ្ទះប្រជាពលរដ្ឋដែលនៅជាប់មាត់ទន្លេ ចំនួន ២៨ខ្នង ដោយមិនទុកបង្អង់យូរនោះឡើយ ព្រោះបារម្មពីការបាក់ ឫស្រុតចូលទន្លេដូចកាលពីយប់ថ្ងៃទី១៧ ខែតុលាទៀត។ ដោយមើលឃើញបញ្ហាប្រឈមនេះ ស្នងការនគរបាលខេត្តកំពង់ចាមបានបញ្ជូនកម្លាំងនគរបាលអន្តរាគមន៍ របស់ខេត្ត សហការជាមួយ កម្លាំងនគរបាលស្រុក មូលដ្ឋាន អាជ្ញាធរ និងប្រជាពលរដ្ឋ ជាច្រើននាក់ បានជួយគ្នា រុះរើ និងដឹកជញ្ជូន ផ្ទះជាបន្តបន្ទាប់។
បើតាមមន្រ្តីនគរបាល គិតត្រឹម ព្រលប់ថ្ងៃទី១៨ ខែតុលា ផ្ទះប្រជាពលរដ្ឋ ចំនួន១១ខ្នងត្រូវបានរុះរើទាំងស្រុងហើយៗនៅសល់ប៉ុន្មានខ្នងទៀតនោះ ស្ថិតក្រោមការរុះរើ បន្តទៀត រហូតមកដល់ថ្ងៃទី១៩ ខែតុលា ឆ្នាំ២០១៤នេះ៕
ប្រភពពី Free Press Magazine
