មេឈ្មួញឈ្មោះយាយ ម៉ាន បាននិងកំពុងធ្វើជំនួញឈើយ៉ាងសកម្ម
រតនគិរី៖ ឈ្មួញរកស៊ីជំនួញឈើម្នាក់ឈ្មោះ យាយ ម៉ាន បាននឹងកំពុងប្រមូលទិញឈើប្រណិត ពីឈ្មួញ ដឹកជញ្ជូនតាមម៉ូតូ ចូលក្រុងបានលុង យ៉ាងសកម្ម ក្រោមការជួយសំរួលពីមន្ត្រីជំនាញរដ្ឋបាលព្រៃឈើ ដែលកំពុងតែគ្រប់គ្រងដោយលោក វង្ស សុក្រសិរី ជានាយខណ្ឌនៅខេត្តនោះ។
សេចក្តីរាយការណ៏ បានបន្តទៀតថា ជារៀងរាល់ថ្ងៃ យ៉ាងហោចណាស់មានម៉ូតូដឹកឈើ មិនក្រោមពី១០ ទៅ ១៥គ្រឿងនោះទេ ដែលបានធ្វើសកម្មភាពដូចហែកឋិន ដឹកជញ្ជូនឈើប្រណិត ប្រភេតឈើ ធ្នង់ នាងនួន ក្រញូង របស់ក្រុមឈ្មួញរកស៊ី បទល្មើសឈើប្រណិត មកពីស្រុកអូរជុំ តាមផ្លូវបុស្តិ៏ ឃុំចាអ៊ុងនិងផ្លូវបុស្តិ៏បឹងកន្សែងយកមកលក់ដល់លំនៅឋានយាយ ម៉ាន។
ឈ្មួញឈើម្នាក់សុំមិនបញ្ចេញឈ្មោះបានលើកឡើងថា យាយ ម៉ាន ព្រមទាំងកូននឹងក្មួយៗរបស់គាត់នៅផ្ទះ ក្បែរៗគ្នានោះ ស្ថិតនៅភូមិ ភ្នំស្វាយ សង្កាត់បឹងកន្សែង ក្រុងបានលុង បាននិងកំពុងចាំប្រមូលទិញឈើប្រណិតពីក្រុមឈ្មួញឈើដឹកដោយម៉ូតូមកពី តំបន់ខាងលើ ជារៀងរាល់ថ្ងៃ រឺឯសមត្ថកិច្ច និងមន្ត្រីជំនាញរដ្ឋបាលព្រៃឈើខេត្ត លោកវង្ស សុក្រសិរី ជានាយខណ្ឌ មិនដឹងថា ទទួលសំណែនបានដល់កំរិតណានោះទេ ទើបពុំដែលឃើញមានការ ទប់ស្កាត់ និងធ្វើការបង្ក្រាប់ សោះនោះ។
ទាក់ទងនឹងសកម្មកភាពដែលក្រុមឈ្មួញរកស៊ីជំនួញឈើ ខុសច្បាប់ខាងលើនេះ នៅថ្ងៃអាទិត្យនេះ សារព័ត៌មានសេរី បានទូរស័ព្ចទៅលោកវង្ស សុក្រសិរី ជានាយខណ្ឌរដ្ឋបាលព្រៃឈើខេត្តចូល តែមិនលើកទទួល ធ្វើការស្រាយបំភ្លឺទេ៕
ប្រភពពី Free Press Magazine
