ខេត្តស្វាយរៀង ៖ រន្ទះបាញ់គោ១៧ក្បាលងាប់កណ្ដាលវាលស្រែ
ខេត្ដស្វាយរៀង ៖ គោចំនួន១៧ក្បាលបានងាប់កណ្ដាលវាលស្រែ នៅកន្លែង៣ផ្សេងគ្នា ដោយសារតែត្រូវរន្ទះបាញ់ និងធ្វើឱ្យប្រជាកសិកររត់ប្រសេចប្រសាចទៅជ្រកក្រោមផ្ទះរៀងៗខ្លួន ។
ករណីទី១បានកើតឡើងនៅវេលា ម៉ោង៣ទៅម៉ោង៤ និង៣០នាទីរសៀល ថ្ងៃទី២២ ខែតុលា ឆ្នាំ២០១៤ ឋិតនៅឃុំ ទួលស្ដី និងឃុំចន្ទ្រា ស្រុកចន្ទ្រា ។
យោងតាមមន្ដ្រីសាលាស្រុកចន្ទ្រា បានឱ្យដឹងថា ករណីទី១នេះ បានកើតឡើង នៅភូមិ-ឃុំទួលស្ដី បណ្ដាលឱ្យសត្វគោ មួយក្បាលដែលកំពុងស៊ីស្មៅកណ្ដាល វាលស្រែត្រូវរន្ទះបាញ់ងាប់ភ្លាមៗ ខណៈ មេឃកំពុងរលឹមស្រិចៗ ។ ប្រភពបន្ដ ឱ្យដឹងទៀតថា ករណីទី២- បានកើតឡើង កាលពីវេលាម៉ោង៤និង៣០នាទីរសៀល ឋិតក្នុងភូមិ-ឃុំចន្ទ្រាបណ្ដាលឱ្យសត្វ គោចំនួន១១ក្បាលដែលម្ចាស់លែងឱ្យ ស៊ីស្មៅនៅវាលស្រែត្រូវរន្ទះបាញ់ឡើង កក្រើកដីធ្វើឱ្យសត្វគោទាំងនោះងាប់ រដូករណែល ។ ចំណែកម្ចាស់គោបាន ត្រឹមតែស្រក់ទឹកភ្នែកស្ដាយស្រណោះ នឹកស្មានមិនដល់និងករណីទី៣កើតឡើងនៅវេលាម៉ោង៣រសៀល ថ្ងៃទី២២ ខែ តុលា ឆ្នាំ២០១៤ នៅក្នុងឃុំពពែត ស្រុក ស្វាយទាប ខេត្ដស្វាយរៀង ដោយរន្ទះ បានបាញ់ចំគោបណ្ដាលឱ្យងាប់៥ក្បាលផងដែរ ៕
ប្រភពពី នគរវត្ត
