Lampard រក២គ្រាប់ឱ្យ Man City ស៊ី ៧-០ ឯ Chelsea ឈ្នះ Bolton ប្រផុតប្រផើយ
Frank Lampard បានស៊ុតបញ្ចូលទីជាថ្មីឲ្យក្រុម Manchester City បំបាក់ Sheffield Wednesday ៧-០ នៅជុំទី៣ Capital One Cup យប់មិញនេះ ខណៈក្រុមតោខៀវ Chelsea បានឡើងទៅជុំទី៤ ឬវគ្គ១៦ក្រុមចុងក្រោយដែរ ក្រោយឈ្នះក្រុមនៅលីកលំដាប់ទី២ Bolton ២-១។
ក្រៅពី២គ្រាប់របស់ Lampard ៥គ្រាប់ផ្សេងទៀតរបស់ក្រុមជើងឯកចាស់ Man City រកបានដោយ Edin Dzeko ២គ្រាប់ Jesus Navas ១គ្រាប់ Yaya Toure ១គ្រាប់ និងមួយគ្រាប់ទៀតរកបានដោយ Jose Angel Pozo។ គិតទាំង២គ្រាប់យប់មិញ Lampard អាចរកបាន៣គ្រាប់ហើយ ក្នុងការបង្ហាញខ្លួន៣ប្រកួត ឲ្យ Man City។
ចំណែក២គ្រាប់របស់ក្រុមលោក Jose Mourinho វិញ រកបានដោយ Kurt Zouma នៅនាទី២៥ និង Oscar នៅនាទី៥៥ ខណៈ១គ្រាប់របស់ Bolton រកបានដោយ Matthew Mills នៅនាទីទី៣១។ ក្នុងការប្រកួតនោះ មិនមានវត្តមានខ្សែប្រយុទ្ធកំពុងឡើងជើង Diego Costa និងខ្សែបម្រើ Cesc Fabregas នោះទេ។
ការប្រកួតជុំទី៤ នឹងត្រូវធ្វើឡើងនៅថ្ងៃទី២៧ខែតុលា ដែលក្រុមទាំង១៦ ដែលត្រូវប៉ះគ្នា មានដូចខាងក្រោម៖
ប្រែសម្រួល៖ សុខ មុន្នីរម្យ
ប្រភព៖ dailymail
ប្រភព៖ dailymail
