បុរសម្នាក់ត្រូវភ្លើង ឆក់ស្លាប់ខណៈពេល ជួយតភ្លើងឲ្យអ្នកជិតខាង
ព្រៃវែង៖
បុរសវ័យកណ្ដាលម្នាក់ ត្រូវភ្លើងឆក់ស្លាប់មួយរំពេច
ខណៈពេលជួយតភ្លើងឲ្យអ្នកជិតខាង បើទោះបីជា
មានការជួយសង្គ្រោះភ្លាមៗ ពីសំណាក់បងប្អូនប្រជាពលរដ្ឋនៅកន្លែងកើត
ហេតុក៏ដោយ។ហេតុការណ៍នេះ បាន កើតឡើងកាលពីព្រលប់ថ្ងៃទី០៣
ខែកញ្ញា ឆ្នាំ២០១៤ នៅចំណុចផ្ទះប្រជាពលរដ្ឋ ឈ្មោះ ពែ ខែ
ស្ថិតក្នុងភូមិព្រៃកណ្ដៀង ស្រុកពាមរក៍ ខេត្ដព្រៃវែង។
នគរបាលស្រុកពាមរក៍ឱ្យដឹងថា ជនរងគ្រោះ
ដែលត្រូវខ្សែភ្លើងឆ្លងចរន្ដអគ្គិសនីឆក់ស្លាប់ឈ្មោះ សួង សៀម
អាយុ៥២ឆ្នាំ មុខរបរកសិករ សព្វថ្ងៃរស់នៅក្នុងភូមិ
ឃុំកើតហេតុខាងលើ។
លោកអធិការនគរបាលស្រុកបាន បញ្ជាក់ថា
កាលពីវេលាម៉ោង៤:៣០នាទី រសៀលថ្ងៃទី០៣ ខែកញ្ញា ឈ្មោះ ពែ ខៃ
ភេទប្រុស អាយុ៤៣ឆ្នាំ និងប្រពន្ធឈ្មោះ ហ៊ុន សាមី អាយុ៤៤ឆ្នាំ
សព្វថ្ងៃរស់ នៅភូមិឃុំខាងលើដែរនោះ បានទៅ ពឹងជនរងគ្រោះ
ឱ្យជួយតភ្លើងដោយសារឈ្មោះ ពែ ខៃ គាត់ងងឹតភ្នែក មើលមិនឃើញ។
ភ្លាមនោះ ជនរងគ្រោះ ក៏បានទៅជួយតភ្លើង តែសង្ស័យខុស
លក្ខណៈបច្ចេកទេសក៏បានឆ្លងចរន្ដអគ្គិសនីឆក់ខ្លួនឯង
នៅចំណុចខាងក្រោម ផ្ទះឈ្មោះ ពែ ខៃ តែម្ដង។
ភ្លាមៗនោះ បងប្អូនក៏បានយកជន
រងគ្រោះទៅកប់ដីខ្សាច់ ដើម្បីបន្ថយ កំដៅនិងជួយសង្គ្រោះជីវិត
តែដោយឃើញអាការៈធ្ងន់ធ្ងរពេក ក៏សម្រេច
ដឹកជនរងគ្រោះទៅមន្ទីរពេទ្យបង្អែកខេត្ដ ពេលមកដល់មន្ទីរពេទ្យ
ត្រូវបានគ្រូពេទ្យ បានបញ្ជាក់ថា ជនរងគ្រោះបានដាច់
ខ្យល់ស្លាប់បាត់ទៅហើយ ប្រហែលជន
រងគ្រោះដាច់ខ្យល់ស្លាប់តាមផ្លូវ។
បច្ចុប្បន្ន សពជនរងគ្រោះ
ត្រូវបានក្រុមគ្រួសារដឹកត្រឡប់ពីមន្ទីរពេទ្យបង្អែក ខេត្ដ
យកទៅធ្វើបុណ្យតាមប្រពៃណី នៅលំនៅស្ថាន៕
