កាល​ពី​ ម្សិលមិញ​ក្រុម​​ក្រុមហ៊ុន​ Samsung ​បាន​ប្រកាស​ពី​វត្តមាន​កាស​ស៊េរី​ថ្មី​របស់​ខ្លួន​ឈ្មោះ​ថា​ Samsung Gear Circleស្រប​ពេល​ដែល​នាឡិកា​វៃ​ឆ្លាត​ Samsung Gear S​ក៏​ត្រូវ​បាន​ប្រកាស​ថ្ងៃ​ជាមួយ​គ្នា​នោះ​ដែរ​។

កាស ​Samsung Gear Circle ​បំពាក់​ដោយ​ Bluetoothd 3.0 ប្រើ​​បច្ចេកវិទ្យា​សំឡេង apt-X ដើម្បី​ជួយ​បង្កើន​គុណភាព​សំឡេង​ឲ្យ​កាន់​តែ​ប្រសើរ​​ ហើយ​វា​មាន​ថាមពល​ថ្ម 180mAh ដែល​អាច​កាន់​(ថ្ម)​បាន​៣០០ ម៉ោង (Standby) ​និង​១១ម៉ោង​សម្រាប់​ការ​និយាយ។ កាស​មួយ​នេះ​អាច​ឲ្យ​អ្នក​ប្រើ​ប្រាស់​ធ្វើ​ការ​ហៅ​តាម​ទូរសព្ទ(Call) ឬ​ទទួល​ទូរសព្ទ និង​ប្រើ​សំឡេង​ដើម្បី​បញ្ជា​មុខងារ​ពិសេស​ៗ​មួយ​ចំនួន​នៅ​លើ​ Smartphone ឬ Tablet បាន។

​ ​​Samsung Gear Circle មាន​រន្ធ​សម្រាប់​សាក​ថ្ម​ហើយ​វា​ត្រូវ​បាន​រចនា​ឡើង​​ដែល​អាច​ឲ្យ​អ្នក​ ប្រើ​ប្រាស់​ពាក់​វា​នៅ​នឹង​ក​បាន​នៅ​ពេល​ឈប់​ប្រើ។ Samsung នឹង​ដាក់​លក់​កាស​Gear Circle នៅ​ខែ​ក្រោយ​តែ​ចំពោះ​តម្លៃ​​ប្រភព​មិន​ទាន់​បាន​បញ្ជាក់​នោះ​ទេ៕

ចុច​អាន៖ Glyph កាស​ដ៏​អស្ចារ្យ​ សូម្បី​តែ​ Beats ក៏​ពិបាក​ប្រជែង​ដែរ

ប្រែ​សម្រួល៖ ប៉ែត ផាន់និត
ប្រភព៖ digitaltrends