វីលលូកប៊ីហ៊ីល, អូហាយូ៖ យន្តហោះមួយគ្រឿង បានធ្លាក់តែក្នុង មួយប៉ព្រិចភ្នែក បន្ទាប់ពីហោះឡើង នៅ អាកាសយានដ្ឋាន ក្នុងស្រុកមួយកន្លែង ដែលមាន ចម្ងាយប្រមាណ ១៥ម៉ាយ ភាគឦសាន ទីក្រុង ក្លេវើលែន សហរដ្ឋអាម៉េរិក បណ្តាលឲ្យ មនុស្សចំនួន ០៤នាក់ស្លាប់។

យោងតាមសារព័ត៌មាន ស៊ីប៊ីអិន ញូ ចេញផ្សាយនៅថ្ងៃអង្គារ ទី២៦ ខែសីហា ឆ្នាំ២០១៤នេះ បានឲ្យដឹងថា ឧប្បតិហេតុ ធ្លាក់នេះ បានកើតឡើងកាល ពីវេលាម៉ោង ១០យប់ ថ្ងៃចន្ទ បន្ទាប់ពីហោះចេញពី អាកាសយានដ្ឋាន ខ្យូយ៉ាហូហ្គា។

ក្រុមសង្គ្រោះបាននិយាយថា ពេលយន្តហោះធ្លាក់ គឺមានភ្លើងឆាបឆេះយ៉ាងសន្ធោរសន្ធៅ។ ភ្លាមៗនោះ គេនៅ មិនទាន់អាចបញ្ជាក់ អំពីមូលហេតុដែលនាំឲ្យយន្តហោះ មួយគ្រឿងនោះធ្លាក់នៅឡើយទេ ខណៈមូលហេតុកំពុង ស្ថិតក្រោមការស៊ើបអង្កេត ចំណែកឈ្មោះអ្នកដែល នៅលើយន្តហោះនោះ ក៏មិនទាន់បានដឹងដែរ ៕

_________________

ផ្តល់សិទ្ទិដោយ៖dap-news