ការសម្រេច របស់ចៅក្រមតុលាការដូច្នេះ បានធ្វើឡើងតែមួយថ្ងៃប៉ុណ្ណោះ បន្ទាប់ពីលោក សម រង្ស៊ី ប្រធានគណបក្ស សង្គ្រោះជាតិ បានសរសេរលិខិតទៅកាន់លោកឧបនាយករដ្ឋមន្ត្រី ស ខេង រដ្ឋមន្រ្តី ក្រសួងមហាផ្ទៃ និងជាមន្រ្ដីជាន់ខ្ពស់ គណបក្សប្រជាជនកម្ពុជា ដើម្បីស្នើសុំអន្តរាគមន៍ ដោះលែងសកម្មជនរបស់គណបក្សសង្គ្រោះជាតិ ទាំង ៣ នាក់។

យុវជនគណបក្ស​សង្គ្រោះ​ជាតិ​ដែល​ត្រូវ​សមត្ថ​ កិច្ច​ឃាត់ខ្លួន កាលពីថ្ងៃទី០២សីហាកន្លងមកនេះ ១-ឈ្មោះ​ឃិន ជំរឿន ប្រធាន​ចលនា​យុវជន ​រាជធានី ភ្នំពេញ គណបក្សសង្គ្រោះជាតិ, ២-ឈ្មោះនាង សុឃុន ហិរញ្ញិកចលនា​យុវជន​គណបក្ស សង្គ្រោះ​ជាតិប្រចាំ​ខណ្ឌ​ច្បារ​អំ ពៅ និង៣-ឈ្មោះសាន សុខហេង ប្រធានចលនា​យុវជន​គណបក្ស​សង្គ្រោះជាតិ ប្រចាំ ខណ្ឌទួលគោក។

យុវជនទាំងបីនោះ ត្រូវបានចាប់ខ្លួន ពាក់​ព័ន្ធនឹង​កុបកម្ម​ ផ្តើមគំនិត​​ឱ្យ​អំពើហិង្សា​ដោយចេតនា និង​ញុះញង់​​ឱ្យ​មានបទ​ល្មើស​ឧក្រិដ្ឋ​-មជ្ឈិមសម្រេចផល៕

លោក នាង សុឃុន ក្នុងពេលដែលត្រូវបានសមត្ថកិច្ចចាប់ឃាត់ខ្លួន

លោក ឃិន ជំរឿន ប្រធានយុវជនគណបក្សសង្គ្រោះជាតិ រាជធានីភ្នំពេញ

លោក សាន គឹមហេង

ប្រភពពី  Free Press Magazine