ក្រុមហ៊ុនសាងសង់ កម្ពុជាមួយស្ថិតក្នុង បញ្ជីខ្មៅ WB
ភ្នំពេញៈ អង្គភាព
ស៊ើបអង្កេតអំពីពុករលួយរបស់ធនាគារពិភពលោកបានហាមឃាត់ក្រុមហ៊ុន
សាងសង់របស់កម្ពុជាមិនឲ្យដេញថ្លៃតាមនីតិវិធីជាផ្លូវការនាពេល
អនាគតដោយសារមានការចោទប្រកាន់ថាក្រុមហ៊ុននេះបានបញ្ជូនឯកសារ
ក្លែងក្លាយក្នុងអំឡុងពេលស្នើសុំដេញថ្លៃជាផ្លូវការកាលពីឆ្នាំ
២០១០។
អង្គភាព Integrity Vice Presidency (INT)
របស់ធនាគារនេះកាលពីសប្ដាហ៍មុនបានប្រកាសថា
ខ្លួនបានហាមក្រុមហ៊ុន CDW Construction Co ក្នុងរយៈពេល ៣
ឆ្នាំពីបទជាប់ពាក់ព័ន្ធក្នុងការក្លែងបន្លំជាប់ទាក់ទងនឹង
«គម្រោងកសាង និងស្ដារឡើងវិញកេតសាណា» (KERR)ឆ្នាំ ២០១០
របស់ធនាគារ។
សេចក្ដីប្រកាសព័ត៌មានកាលពីថ្ងៃទី២៩
ខែកក្កដា បង្ហាញថា៖ «ការស៊ើបអង្កេតមួយដោយ INT បានបង្ហាញថា
ក្រុមហ៊ុន CDW បានផ្ញើរបាយការណ៍ហិរញ្ញវត្ថុក្លែងបន្លំ
និងរបាយការណ៍ក្លែងបន្លំនៃការសាងសង់ក្នុងការដេញថ្លៃរបស់ខ្លួន
ទាក់ទងនឹងនីតិវិធីលទ្ធកម្ម។
ដោយបានប្រកាសសម្រាប់ការស្នើសុំដេញថ្លៃ
កាលពីចុងឆ្នាំ២០១០ និងបានបញ្ចប់ជាផ្លូវការកាលពីថ្ងៃទី៣១
ខែកក្កដានៅឆ្នាំនេះ គម្រោង KERR នេះមានទឹកប្រាក់ ៣៧
លានដុល្លារអាមេរិកដែលបានផ្ដល់ជំនួយសង្គ្រោះសម្រាប់គ្រោះ
ធម្មជាតិ ការស្ថាបនាផ្លូវថ្នល់ សេវាទឹកស្អាត និងអនាម័យ
សម្រាប់សហគមន៍រងផលប៉ះពាល់ដោយសារព្យុះកេតសាណា
ដែលបានសម្លាប់មនុស្ស ៤៣ នាក់
បណ្ដាលឲ្យមានការប៉ាន់ប្រមាណពីការខូចខាតជាទឹកប្រាក់ ១៤០
លានដុល្លារអាមេរិក និងបានជម្លៀសមនុស្សរាប់ពាន់គ្រួសារ។
លោក ជួន ដាវីន ប្រធានក្រុមហ៊ុន CDW
Construction
បានសារភាពថាក្រុមហ៊ុនរបស់លោកបានជាប់ក្នុងបញ្ជីខ្មៅ
បន្ទាប់ពីការបញ្ជូនសំណើមិនទទួលបានជោគជ័យឲ្យធនាគារពិភពលោក
ដើម្បីជួសជុលផ្លូវនៅក្នុងខេត្តកំពង់ធំដែលបានរងការខូចខាតដោយ
សារខ្យល់ព្យុះកេតសាណា។
ប៉ុន្តែលោកបានរិះគន់ដល់នីតិវិធីដេញ
ថ្លៃរបស់ធនាគារពិភពលោកថា
ពួកគេមិនផ្ដល់ពេលវេលាឲ្យបានគ្រប់គ្រាន់សម្រាប់ក្រុមហ៊ុនធ្វើ
ការជាមួយគ្នាក្នុងការវាយតម្លៃហិរញ្ញវត្ថុឲ្យបានច្បាស់លាស់នៃ
ការងារនោះទេ ហើយបាននិយាយថា
កិច្ចខិតខំប្រឹងប្រែងក្នុងការតាមដានបញ្ហានេះរបស់ធនាគារ
មិនមានភាពត្រឹមត្រូវទេ។
លោកបន្តថា៖
«បញ្ហាគឺថាសេចក្ដីព្រាងរបស់ខ្ញុំគឺខុសប្លែកពីការវាយតម្លៃ
គម្រោងរបស់សវនករផ្ទៃក្រៅប្រទេសដោយសារតែខ្ញុំមានពេលវេលាតិច
តួចពេកក្នុងការធ្វើវា
ហើយការវិនិច្ឆ័យរបស់ធនាគារពិភពលោកមានការស្មុគ្រស្មាញខ្លាំង
ណាស់»។
លោកបន្តថា៖
«ខ្ញុំសម្រេចចិត្តមិនតាមដានគម្រោង
ដែលយើងមិនបានទទួលជោគជ័យនេះទេ
ដូច្នេះមូលហេតុគឺធនាគារពិភពលោកនៅតែសួរខ្ញុំអំពីវា
ហើយហេតុអ្វីបានជាក្រុមហ៊ុនខ្ញុំនៅក្នុងបញ្ជីខ្មៅ?»។
តាមលោកដាវីន ក្រុមហ៊ុន CDW
Construction កាលពីឆ្នាំ២០០៧
បានឈ្នះលើនីតិវិធីដេញថ្លៃសម្រាប់កិច្ចព្រមព្រៀងទឹកប្រាក់
១០០
០០០ដុល្លារអាមេរិកជាមួយធនាគារពិភពលោកដើម្បីកសាងរចនាសម្ព័ន្ធ
នៅក្នុងខេត្តកោះកុង។
មិនមែនមានតែក្រុមហ៊ុន CDW
មួយប៉ុណ្ណោះទេដែលស្ថិតក្នុងការហាមឃាត់របស់ធនាគារពិភពលោកនោះ
គឺនៅមានក្រុមហ៊ុនពីរផ្សេងទៀតដែលមិនបានជាប់ទាក់ទងជាមួយក្រុម
ហ៊ុន Dutch companies
ក៏ត្រូវបានគេហាមឃាត់ផងដែរពីបទការអនុវត្តក្លែងបន្លំដូចគ្នា
នេះនៅក្នុងប្រទេសអ៊ីរ៉ាក់។ INT
មិនបានចេញផ្សាយការបកស្រាយល្អិតល្អន់ស្ដីពីសកម្មភាពក្លែង
បន្លំដែលបានចោទប្រកាន់របស់ក្រុមហ៊ុននេះទេ។
លោក Leonard McCarthy នៅ integrity vice
president
របស់ធនាគារពិភពលោកត្រូវបានគេដកស្រង់សម្ដីក្នុងសេចក្ដីប្រកាស
ព័ត៌មានថា៖«ការគ្រប់គ្រងលើ ហានិភ័យនៃអំពើក្លែងបន្លំ
និងអំពើពុករលួយតាមរយៈការអនុលោមតាមច្បាប់ក្រុមហ៊ុន
និងការងារបង្ការនៅក្នុងគម្រោងអភិវឌ្ឍន៍ ជាអាទិភាព
ពិសេសនៅក្នុងស្ថានភាពជម្លោះដែលរងផលប៉ះពាល់
ដែលត្រូវការសេវាកម្ម
ហើយហេដ្ឋារចនាសម្ព័ន្ធមិនអាចត្រូវបានលើកចេញ
ឬពន្យារពេលបានទេ»។
ក្រុមប្រឹក្សាផ្ដល់យោបល់ផ្ទៃក្នុង
(IAB)របស់ធនាគារពិភពលោកដែលបានផ្ដល់យោបល់ដល់ធនាគារនេះពីការ
ប្រឆាំងអំពើពុករលួយ និងការប្រឆាំងការក្លែងបន្លំឲ្យដឹងថា
របាយការណ៍បានចេញផ្សាយកាលពីខែកុម្ភៈបង្ហាញថា INT
បានស៊ើបអង្កេតយ៉ាងសកម្មលើករណីក្លែងបន្លំ និងពុករលួយចំនួន
៦៩ និងការហាមឃាត់ ៧៨
ករណីទូទាំងក្រុមធនាគារពិភពលោកគិតត្រឹមថ្ងៃទី៣១ ខែធ្នូ
ឆ្នាំ២០១៣៕
ប្រភពពី ភ្នំពេញប៉ុស្តិ៍
