ភ្នំពេញ : សកម្មជនរបស់ គណបក្សសង្គ្រោះជាតិ ចំនួន ២នាក់ ត្រូវបានកម្លាំងនគរបាល ការិយាល័យយុត្តិធម៌ នៃ ស្នងការដ្ឋាននគរបាល រាជធានីភ្នំពេញ ចាប់ខ្លួនកាល ពីវេលាម៉ោង ១និង៥០នាទី រសៀលថ្ងៃទី២ ខែសីហា ឆ្នាំ២០១៤នេះ នៅសង្កាត់ព្រែកឯង ខណ្ឌច្បារអំពៅ ពោលមិនមែនតែម្នាក់នោះឡើយ ។

ក្នុងចំណោមសកម្មជនទាំង ២នាក់ មានម្នាក់ឈ្មោះ នាង សុឃុន ដែលធ្លាប់ដាក់ពាក្យ បណ្តឹងប្តឹងនាយករដ្ឋមន្ត្រី សម្តេចតេជោ ហ៊ុន សែន កាលពីពេលកន្លងទៅ ។ មន្ត្រីនគរបាលព្រហ្មទណ្ឌ រាជធានីភ្នំពេញ បានឲ្យដឹងថា សកម្មជនទាំង២នាក់ ម្នាក់ឈ្មោះ នាង សុឃុន និងម្នាក់ទៀត ឈ្មោះ សាន គឹមហេង ត្រូវបានចាប់ខ្លួន ដោយអនុវត្តតាមដីកា បញ្ជាឲ្យនាំខ្លួន ពីសំណាក់ចៅក្រម សើុបសួរសាលាដំបូងរាជធានីភ្នំពេញ ពាក់ព័ន្ធនឹងសកម្មភាព នៅក្បែរទីលានប្រជាធិបតេយ្យ កាលពីថ្ងៃទី១៥ ខែកក្កដា កន្លងទៅ ។

ក្រោយចាប់ខ្លួនសកម្មជន ទាំង២នាក់ ត្រូវបានកម្លាំងនគរបាល បញ្ជូនទៅតុលាការ ចាត់ការបន្តតាមផ្លូវច្បាប់ ៕

________________

ផ្តល់សិទ្ទិដោយ៖dap-news