អ្នកភូមិមានទំនាស់ដី នៅក្រចេះតវ៉ាដល់ផ្ទះ លោក ហ៊ុន សែន
អ្នកភូមិ
ប្រមាណ ២០០គ្រួសារ មានទាំងកូនៗចូលរួមផង នៅព្រឹកថ្ងៃទី៥ សីហា នេះ
នាំគ្នាហែក្បួនចេញពីវត្តសាមគ្គីរង្សី សង្កាត់ស្ទឹងមានជ័យ
សំដៅទៅផ្ទះលោកនាយករដ្ឋមន្ត្រី ហ៊ុន សែន ក្បែរវិមានឯករាជ្យ
ដើម្បីសុំអន្តរាគមន៍ដោះស្រាយជម្លោះដីជូនពួកគាត់។
តំណាងអ្នកតវ៉ា លោក សួន វិច្ឆិកា បញ្ជាក់ថា អ្នកភូមិ ២០០គ្រួសារនេះឡើងមកតវ៉ា តំណាងឲ្យអ្នកភូមិសរុបជិត ៣០០គ្រួសារ នៅឃុំស្នួល ស្រុកស្នួល ខេត្តក្រចេះ ដែលដីរបស់ពួកគាត់ត្រូវបានក្រុមហ៊ុនឈូសឆាយរំលោភយក។ ក្រៅពីនេះពួកគាត់ភាគច្រើន មិនត្រូវបានអាជ្ញាធរខេត្តចេញប័ណ្ណកម្មសិទ្ធិកាន់កាប់ដីឲ្យពួកគាត់ បន្ទាប់ពីក្រុមនិស្សិតស្ម័គ្រចិត្តរបស់លោក ហ៊ុន សែន បានចុះវាស់វែងជូនពួកគាត់រួចហើយ។
ក្រុមអ្នកតវ៉ាបានទៅដល់វិមានឯករាជ្យ ក្បែរផ្ទះលោកនាយករដ្ឋមន្ត្រី ហ៊ុន សែន នៅម៉ោងប្រហែល ៩ព្រឹក តែត្រូវប្រឈមនឹងប៉ូលិសប្រដាប់ដោយខែលនិងដំបងឆក់រារាំង។
សូមរង់ចាំអានព័ត៌មាននេះពិស្ដារ…
កម្លាំងអាជ្ញាធររារាំងក្រុមអ្នកតវ៉ារឿងដីនៅក្បែរវិមានឯករាជ្យ មិនឲ្យទៅផ្ទះលោក ហ៊ុន សែន។
ក្រុមអ្នកតវ៉ាព្យាយាមហែក្បួនដោយមានការតាមឃ្លាំមើលពីកម្លាំងអាជ្ញាធរ។
ក្រុមអ្នកតវ៉ាដង្ហែក្បួនបម្រុងទៅផ្ទះលោក ហ៊ុន សែន។
អ្នកតវ៉ាបញ្ហាដីដែលមានទាំងកូនតូចៗមកជាមួយផង រត់តាមក្បួនដង្ហែញត្តិ។
ពលរដ្ឋលើកបដាតវ៉ារឿងដីនៅក្បែរវិមានឯករាជ្យ។
អ្នកមានបញ្ហាដីយំរៀបរាប់ស្នើសុំលោក ហ៊ុន សែន ផ្ដល់ប្លង់កម្មសិទ្ធិដីធ្លី។
អ្នកមានបញ្ហាដីលើកបដាតវ៉ាក្បែរវិមានឯករាជ្យ។
ពលរដ្ឋមានបញ្ហាដីធ្លីលើកបដាមានរូបភរិយាលោក ហ៊ុន សែន តវ៉ាក្បែរវិមានឯករាជ្យ។
អ្នកតវ៉ាម្នាក់រងរបួសពេលប៉ះទង្គិចជាមួយសមត្ថកិច្ច។
ពលរដ្ឋផ្ដល់បទសម្ភាសន៍ដល់វិទ្យុអាស៊ីសេរី អំពីប្លង់កម្មសិទ្ធិដី។
មន្ត្រីខុទ្ទកាល័យនាយករដ្ឋមន្ត្រីចេញមកទទួលញត្តិពលរដ្ឋតវ៉ារឿងដី។
ពលរដ្ឋមកពីខេត្តក្រចេះ អង្គុយកាន់បង្កាន់ដៃនិស្សិតវាស់ដីចេញឲ្យ ប៉ុន្តែមិនទាន់ទទួលបានប័ណ្ណកាន់កាប់ដី។
ប្រភពពី វិទ្យុអាស៊ីសេរី
