ចៅក្រមលើកពេល ប្រកាសសាលក្រម សំណុំរឿងលោកចាន់ ចេង និងលោកជូង ជូងី
កណ្តាល៖ ចៅក្រម
តុលាការសាលាដំបូងខេត្តកណ្តាល នៅព្រឹកថ្ងៃទី៥ ខែសីហានេះ
បានលើកពេលប្រកាសសាលក្រមលើសំណុំរឿងលោក ចាន់ ចេង
បេក្ខជនតំណាងរាស្ត្រជាប់ឆ្នោតរបស់ គណបក្សសង្គ្រោះជាតិ មណ្ឌលខេត្តកណ្តាល
ជាមួយនិងលោក ជូង ជូងី ដែលជាមេធាវីការពារក្តី
រំដោះអ្នកទោសចេញពីពន្ធនាគារ។
ការប្រកាសសាលក្រមនោះ ត្រូវលើកពេលទៅថ្ងៃក្រោយ ដោយមិនកំណត់ថ្ងៃ។
កាលពីថ្ងៃទី២២ ខែកក្កដា
ឆ្នាំ២០១៤ ចៅក្រមតុលាការខេត្តកណ្តាល បានបើកសវនាការជំនុំជម្រះ
សំណុំរឿងបេក្ខជនតំណាងរាស្ត្រគណបក្សសង្គ្រោះជាតិ លោកចាន់ចេង
ជាមួយនឹងមេធាវីការពារក្តីលោក ជូង ជូងី ក្នុងករណីរំដោះអ្នកទោស ឈ្មោះ
មាស ប៉េង ជាអតីតជំទប់ទី២ របស់គណបក្ស សមរង្ស៊ី ឃុំបន្ទាយដែក
ស្រុកកៀនស្វាយ ខេត្តកណ្តាល កាលពីថ្ងៃទី២៣ ខែកញ្ញា ឆ្នាំ២០១១។
បន្ទាប់ពីសវនាការដែលមានតែលោកមាសប៉េង
ចូលរួម កាលពីថ្ងៃទី២២កក្កដា ចៅក្រមតុលាការខេត្តកណ្តាល លោក គឹម ម៉េង
បានសម្រេចថា នឹងប្រកាសសាលក្រមលើរឿងក្តីនោះ នៅថ្ងៃទី៥
ខែសីហានេះ។ ប៉ុន្តែមកដល់ព្រឹកនេះ
ចៅក្រមបានសម្រេចលើកពេលប្រកាសសាលក្រម ដោយមិនកំណត់ថ្ងៃ៕
លោក ចាន់ ចេង បេក្ខជនតំណាងរាស្ត្រជាប់ឆ្នោតរបស់ គណបក្សសង្គ្រោះជាតិ
លោក ចាន់ ចេង បេក្ខជនតំណាងរាស្ត្រជាប់ឆ្នោតរបស់ គណបក្សសង្គ្រោះជាតិ
