ត្រឡប់មកពីផឹកស៊ី កម្មករធ្វើការជាមួយគ្នា ចាក់មួយផ្លែដែកឆាបជាប់ឆ្កឹង
ភ្នំពេញ
៖ កម្មករសំណង់ម្នាក់ត្រូវកម្មករធ្វើការជាមួយគ្នាចាក់មួយផ្លែ
ដែកឆាបជាប់ឆ្កឹងបន្ទាប់ពីមកពីផឹកស៊ី ជាមួយមិត្ដភក្កិវិញ
កាលពីវេលាម៉ោង ១១និង១០នាទីយប់ ថ្ងៃទី៣ ខែសីហា
នៅក្នុងការដ្ឋានសំណង់ម្ដុំផ្សារមាន់អាំង សង្កាត់បឹងកក់ទី២
ខណ្ឌទួលគោក ។ជនរងគ្រោះមានឈ្មោះ វ៉ាន់ ណាក់ ភេទប្រុស អាយុ២៧ឆ្នាំ មុខរបរកម្មករសំណង់ ស្នាក់នៅកន្លែងកើតហេតុ មានស្រុកកំណើតនៅភូមិស្ពានពោធិ៍ ឃុំ សេដ្ឋី ស្រុកសាមគ្គីមានជ័យ ខេត្ដកំពង់ ឆ្នាំងបានឱ្យដឹងថា កាលពីវេលាម៉ោង៧យប់ថ្ងៃទី៣ ខែសីហា ខ្លួនបានទៅផឹក ស៊ីនៅផ្ទះបងប្អូននៅសង្កាត់ចោមចៅ ខណ្ឌពោធិ៍សែនជ័យ ជាមួយមិត្ដភក្កិធ្វើ ការជាមួយគ្នា២នាក់ទៀត រហូតដល់ ម៉ោង១០យប់ទើបត្រឡប់មកវិញ ។
ខណៈពេលត្រឡប់មកវិញខ្លួនមិនទាន់ចូលទៅសម្រាកទេ នៅអង្គុយនិយាយ លេងជាមួយកម្មករធ្វើការជាមួយគ្នា ចំណែកមិត្ដភក្កិដែលត្រឡប់មកពីផឹក ជាមួយគ្នាបានចូលដេកមុនអស់ហើយ។
ប្រភពព័ត៌មានបានឱ្យដឹងថា ខណៈ
ពេលអង្គុយនិយាយជាមួយអ្នកធ្វើការជាមួយរហូតដល់ម៉ោងកើតហេតុជនរង
គ្រោះដើរទៅចូលសម្រាក ស្រាប់តែ ឈ្មោះ ចូច
ដែលធ្វើការជាមួយគ្នាបាន ជេរប្រមាថ ជនរងគ្រោះរួចក៏ត្រូវឈ្មោះ
គ្រី ដើរមកពីក្រោយចាក់មួយផ្លែដែក
ឆាបលិចជាប់ឆ្កឹងនិងឆ្អឹងខ្នងហើយនាំគ្នា គេចខ្លួនអស់
ចំណែកជនរងគ្រោះបាន ស្រែកហៅអ្នកធ្វើការជាមួយឱ្យជូនទៅ
ព្យាបាលនៅមន្ទីរពេទ្យព្រះកុសុមៈដើម្បី វះកាត់យកផ្លែដែកឆាបចេញ។
ចំពោះមូលហេតុដែលឈានដល់ការចាក់សម្លាប់
នេះដោយសារតែជនដៃ ដល់ខឹងជនរងគ្រោះទៅផឹកស៊ីជាមួយ
មិត្ដភក្កិធ្វើការជាមួយគ្នាដែលជាគូ សត្រូវរបស់ជនដៃដល់ ៕
ប្រភពពី នគរវត្ត
