វត្តមាន​​របស់​អតីត​នាយក​ប្រតិបត្តិ​​ក្រុមហ៊ុន​ Ford ​លោក ​Alan Mulally​ នៅ​ Google ​​បាន​បង្ក​ជា​មន្ទិល​ពី​មហិច្ឆតា​ថ្មី​របស់​ Google។ ​​តើ​ Google ​​ចង់​វាតទី​​លើ​ទីផ្សារ​រថយន្ត​​ថែម​ទៀត​មែន​ទេ?

​ ​​នេះ​គឺ​ជា​សំណួរ​ដែល​អ្នក​វិភាគ​ជា​ច្រើន​​ចោទ​សួរ​ ​​ជុំវិញ​ការ​ដើរ​ចូល​របស់​​លោក​ Alan Mulally ​​ទៅ​ក្នុង​ប្រធាន​ក្រុមប្រឹក្សាភិបាល​របស់​ Google។ ​​អ្វី​ដែល​គេ​​អាច​រំពឹង​ទុក​បាន​នោះ​បុគ្គល​ដ៏​មាន​បទពិសោធន៍​រូប​នេះ​អាច ​នឹង​នាំ​យក​បច្ចេកវិទ្យា​ Andriod ​ទៅ​បំពាក់​នៅ​ក្នុង​រថយន្ត​ដើម្បី​បើក​ផ្លូវ​ឲ្យ Google ​កាន់​តែ​​មាន​ទីផ្សារ​ទូលាយ​ជាង​មុន។

រថយន្ត​បំពាក់​ប្រព័ន្ធ​ Android ​ជា​អ្វី​ដែល​រំពឹង​ថា ​នឹង​មាន​ក្រោយ​វត្តមាន​របស់​លោក Alan Mulally

​ លោក​ Alan ​​ធ្លាប់​ជា​នាយក​ប្រតិបត្តិ​ក្រុមហ៊ុន​ Ford ​អស់​រយៈពេល​ ៨ ​ឆ្នាំ ​ហើយ​មុន​នោះ​លោក​ក៏​ធ្លាប់​ធ្វើ​ជា​នាយក​ប្រតិបត្តិ​របស់​​ Boeing Commercial Airplanes ​និង​ជា​អនុប្រធាន​ប្រតិបត្តិ​​នៃ​ក្រុមហ៊ុន​ Boeing ​​ជាង​ ៥ ​ឆ្នាំ​ផង​ដែរ។

ចាំ​អ៊ុត​ទាំង​អស់​គ្នា​ថា ​Google ​នឹង​នាំ​យក​អ្វី​ថ្មី​មក​កាន់​ទីផ្សារ​រថយន្ត​ឬ​អត់?

ប្រែ​សម្រួល៖ ​សីហា
ប្រភព៖ ​​​techradar