ថៃបិទច្រករបៀងចំនួន ៨កន្លែងជាថ្មីទៀតហើយ
ព្រំដែនកម្ពុជា-ថៃ៖ ស្ថានភាពទូទៅនៅតាមបណ្តោយព្រំដែនកម្ពុជា-ថៃ នៅ
ម៉ោង៦ព្រឹកនាថ្ងៃទី០៨ ខែកក្កដា ឆ្នាំ២០១៤ នេះ ទាហានឈុតខ្មៅថៃ
និងទាហានបារ៉ា ដែលស្ថិតនៅជួរមុខជាមួយនឹងទាហានកម្ពុជា
បានធ្វើសកម្មភាពបិទច្រករបៀងចំនួន
៨កន្លែងជាថ្មី គឺធ្វើឡើងដោយឯកតោភាគី ឯខាងកម្ពុជាមិនដឹងពី
មូលហេតុអ្វីនោះទេ។
ប្រភពពីព្រំដែនអោយដឹងបន្តថា ច្រក
របៀងទាំង៨នោះ ស្ថិតក្នុងស្រុកចំនួន ២គឺស្រុកស្វាយចេក
និងស្រុកអូរជ្រៅ ខេត្តបន្ទាយមានជ័យ ដែលឈមនឹងស្រុកគោកឃ្យូង
ខេត្តស្រះកែវ ប្រទេសថៃ។ច្រកនោះរួមមាន ច្រករបៀងអូរបីជាន់,
ច្រកបឹងស្រគូ, ច្រកជោគជ័យ, ច្រករឹទ្ធិសែន, ច្រកទំនប់ដាច់,
ច្រកសិលាខ្មែរ, ក្នុងស្រុកអូរជ្រៅ។ដោយឡែកច្រករបៀងចម្ការគ តំបន់១
តំបន់៥ និងច្រកថ្នល់បំបែកក្នុងស្រុកស្វាយចេក
ក៏បានបិទព្រមគ្នាក្នុងម៉ោងតែមួយដែរ។
លោកអធិការស្រុកអូរជ្រៅបានឲ្យដឹងថា
ពិតជាមានការបិទច្រកក្នុងតំបន់ របស់លោកពិតប្រាកដមែន
តែការបិទពីសំណាក់ទាហានថៃនោះ គឺធ្វើឡើងដោយឯកតោភាគី
ឯខាងកម្ពុជាមិនដឹងពីមូលហេតុអ្វីនោះទេ
ហើយនេះជាសិទ្ធិរបស់ទាហានថៃ។ ដោយឡែកខាងកងទ័ពជួរមុខ និងនគរបាល
របស់យើងនៅតែរក្សាចំណងមិត្តភាពរវាងកងទ័ពទាំងពីរឲ្យនៅល្អ
ដដែល។
លោកសំ ជិត
ស្នងការរងនគរបាលខេត្តបន្ទាយមានជ័យទទួលបន្ទុកផ្នែកព្រំដែនកម្ពុជា
-ថៃ ក៏បានបង្ហើបឲ្យដឹងដែរថា
ខាងថៃពិតជាធ្វើសកម្មភាពបិទច្រករបៀងតាមខ្សែបន្ទាត់ព្រំដែនមែនគឺ
តាំងពីព្រឹកថ្ងៃទី៧ ខែកក្កដា ឆ្នាំ២០១៤រហូតមកដល់ថ្ងៃនេះ (៨
កក្កដា) មែន។ ប៉ុន្តែអ្វីដែលសំខាន់ជាងគេ គឺពលរដ្ឋ
របស់យើងដែលធ្លាប់ទៅធ្វើការព្រឹកវិលល្ងាច
មានការលំបាកចេញចូលទៅមកក្នុងការប្រកបមុខរបររបស់ពួកគាត់ខ្លាំង
ណាស់ ដោយសារតែការបិទច្រករបស់ក្រុមទាហានថៃខាងលើនោះ៕
ថៃបិទច្រករបៀងចំនួន ៨នៅខាងជើងខេត្តបន្ទាយមានជ័យជាថ្មី
ប្រភពពី Free Press Magazine
