ប្រពន្ធមន្ដ្រីនគរបាល ក្រសួងមហាផ្ទៃម្នាក់វេចលុយ កូនតុងទីនជិត៤០ម៉ឺន ដុល្លារគេចខ្លួន
ខេត្ដកណ្ដាល
៖
អាជីវករលក់ដូរនៅក្នុងផ្សារគគីររាប់រយនាក់ដែលលេងតុងទីនជាមួយ
ស្ដ្រីម្នាក់ ត្រូវជាប្រពន្ធរបស់
មន្ដ្រីនគរបាលព្រហ្មទណ្ឌក្រសួងមហាផ្ទៃម្នាក់
បានឆោឡោឡើងនៅព្រឹកថ្ងៃទី៨ ខែកក្កដា ឆ្នាំ២០១៤ ពេញផ្សារគគីរ
ដោយសារឃើញបុរសជាប្ដីមេតុងទីន
ដើរចូលទៅប្រមូលពន្ធជំនួសប្រពន្ធរបស់ខ្លួនដែលធ្វើមេតុងទីន
រត់គេចខ្លួនបាត់ ។
ក្រុមអាជីវករដែលចាញ់បោកមេតុងទីនប្រមូល
លុយរបស់ខ្លួនរត់គេចបាត់ នោះ បានប្រាប់អ្នកយកព័ត៌មានថា មាន
ឈ្មោះ ហេង ម៉ូនីកា ហៅម៉ាច ប្ដីឈ្មោះ សួន សារ៉ាត់
ជាមន្ដ្រីនគរបាលព្រហ្មទណ្ឌ ក្រសួងមហាផ្ទៃ មានទីលំនៅភូមិចន្លោះ
ឃុំគគីរ ស្រុកកៀនស្វាយ ខេត្ដកណ្ដាល។ ហេតុការណ៍ឆោឡោនេះ បានកើតឡើង
នៅគ្រាដែលបុរសជាប្ដីមេតុងទីនដើរ
ចូលផ្សារគគីរដើម្បីប្រមូលលុយ ហើយ គំរាមកូនតុងទីនថា
បើមិនឱ្យលុយទេ ប្រយ័ត្នមានរឿងធី ព្រោះប្រពន្ធរបស់គេ
បានផ្ទេរសិទ្ធិមកឱ្យ ។
ក្រុមអាជីវករបានឱ្យដឹងបន្ដថា
បន្ទាប់ពីឮពាក្យសម្ដីគំរាមក្នុងន័យការពារប្រពន្ធ
របស់ខ្លួនដែលប្រមូលលុយរត់គេចនោះ
បានធ្វើឱ្យពួកគាត់មានការខឹងសម្បាយ៉ាង ខ្លាំង
ប៉ុន្ដែមិនបានផ្ទុះហិង្សាទៅលើលោក សួន សារ៉ាត់ នោះទេ ។
ភ្លាមៗនោះឈ្មោះ សួន សារ៉ាត់ បានដើរគេចចេញពីក្នុង
ផ្សារយ៉ាងលឿន ព្រោះខ្លាចអាជីវករប្រើ ហិង្សាមកលើខ្លួន ។
លុយដែលមេតុងទីន ឈ្មោះ ម៉ូនីកា យកទៅមានប្រមាណជិត
៤០ម៉ឺនដុល្លារ ក្នុងនោះក្បាល១ម៉ឺនរៀល
ដេញប្រចាំថ្ងៃចំនួន៥ខ្សែ មានអ្នកលេង ជិត៤០០នាក់
ក្បាលប្រចាំខែមាន៥០ ដុល្លារ ១០០ដុល្លារ និង២០០ដុល្លារមាន
អ្នកលេងជាច្រើននាក់ ។
ក្រុមអាជីវករបានបន្ដទៀតថា ប្រមាណ
ជាសប្ដាហ៍នេះមិនបានឃើញស្ដ្រីជាម
តុងទីនដើរប្រមូលលុយដូចសព្វដងនោះ ឡើយ ក៏នាំជ្រួលច្របល់
តែមិនទាន់បាន ដាក់ពាក្យបណ្ដឹងនោះទេ ទុកឱ្យមេតុងទីន
ចេញមុខដោះស្រាយ ។ ហើយណាមួយ បុរសជាប្ដ្ដីឈ្មោះ សួន សារ៉ាត់
បានអះ អាងថា នឹងចេញមុខសងរំលោះជំនួស ប្រពន្ធ
តែការពិតពាក្យសម្ដីនេះគឺគ្រាន់ តែស្អំចិត្ដ
កុំឱ្យកូនតុងទីនប្រមូលគ្នាដាក់ ពាក្យបណ្ដឹងតែប៉ុណ្ណោះ ។
ស្រាប់តែនៅ ព្រឹកថ្ងៃទី៨ ឈ្មោះ សួន សារ៉ាត់ ដែលត្រូវ
ជាប្ដីរបស់មេតុងទីនឈ្មោះ ម៉ូនីកា ប្រើ ល្បិចថា
ប្រពន្ធរបស់ខ្លួនបានផ្ទេរសិទ្ធិឱ្យ
រួចក៏ប្រមូលលុយកូនតុងទីនម្ដងទៀត ទើបគេចោទប្រកាន់តែម្ដង
ប៉ុន្ដែមិនបាន ប្រើអំពើហិង្សានោះទេ ។
ក្រុមកូនតុងទីនបានបន្ដថា
ប្រសិនបើមេតុងទីន រួមនឹងប្ដីដែលធ្វើជានគរបាល
ព្រហ្មទណ្ឌក្រសួងមិនចេញមុខដោះស្រាយ ដល់ពួកគេទេនោះ
នឹងប្រមូលផុំគ្នាដាក់
ពាក្យមេតុងទីនឱ្យសមត្ថកិច្ចចាត់ការតាមផ្លូវច្បាប់ ៕
