ភ្នំពេញ៖ កម្លាំងនគរបាល ព្រហ្មទណ្ឌរាជ ធានីភ្នំពេញ កាលពីវេលាម៉ោង ប្រមាណ១១ ព្រឹកថ្ងៃទី១៦ ខែកក្កដា ឆ្នាំ២០១៤ បានបន្ដ ឃាត់ខ្លួនជំនួយការម្នាក់ របស់លោកស្រីមូរ សុខហួរ ពេលកំពុងធ្វើ ដំណើរគេចខ្លួនចេញពី បរិវេណតុលាការ ជាមួយក្រុមមន្ដ្រី របស់អង្គការលីកាដូ ។

លោកអឿ ណារិទ្ធ ដែលត្រូវបានគេដឹង ថា ជាជំនួយការម្នាក់ របស់លោកស្រីមូរ សុខហួរ ត្រូវបានកម្លាំង នគរបាលព្រហ្មទណ្ឌ រាជធានីភ្នំពេញ តាមចាប់ខ្លួនដោយយោង តាមការបញ្ជា របស់តំណាងអយ្យការអម សាលាដំបូងរាជធានីភ្នំពេញ ដោយជាប់ពាក់ ព័ន្ធនិងសកម្មភាពញុះញង់កាលពីម្សិលមិញ នាំឱ្យមានអំពើ ហិង្សាកើតឡើងនៅក្បែរទី លានប្រជាធិបតេយ្យ ។

មន្ដ្រីនគរបាលព្រហ្មទណ្ឌម្នាក់បាននិយាយថា «ដោយយោងតាមការបញ្ជារបស់តុលាការ កម្លាំងសមត្ថកិច្ច បានឃាត់ខ្លួនបុគ្គលរូបនេះ បញ្ជូនទៅតុលាការចាត់ការបន្ដ ការចូលរួម និងធ្វើឱ្យញុះញង់នាំឱ្យមាន អំពើហិង្សា»។

បើតាមនគរបាលរូបនេះ បុគ្គលអឿ ណារិទ្ធ មានទីលំនៅប្លុកបុរីកីឡា សង្កាត់ វាលវង់ ខណ្ឌ៧មករា៕

_______________________
ផ្តល់សិទ្ធិដោយ៖ DAP-NEWS