ភ្នំពេញ ៖ កាកបាទក្រហមកម្ពុជា និងក្រសួងមហាផ្ទៃ បានឧបត្ថម្ភថវិកា ជូន ជនរងគ្រោះទាំង៣៩នាក់ ដែលរងរបួសធ្ងន់ ស្រាល នៅក្នុងការប៉ះទង្គិចជាមួយ ក្រុមបាតុករដឹកនាំដោយគណបក្ស សង្គ្រោះជាតិ កាលពីថ្ងៃម្សិលមិញ នៅក្បែរទីលានប្រជាធិបតេយ្យ ។

មន្ដ្រីកាកបាទក្រហមបានឱ្យដឹងថា អ្នករងរបួសធ្ងន់ចំនួន៣នាក់ ដែលកំពុងសម្រាកព្យាបាលនៅក្នុងបន្ទប់សង្គ្រោះបន្ទាន់ ម្នាក់ទទួលបានការឧបត្ថម្ភពីកាកបាទក្រហម ចំនួន១០លានរៀលនិងក្រសួងមហាផ្ទៃ ៤លានរៀល ។ ដោយឡែកជនរងគ្រោះដែលរងរបួសធ្ងន់ ក្នុងចំណោម២២នាក់នោះ ម្នាក់ៗទទួលបានការឧបត្ថម្ភពី កាកបាទក្រហម ចំនួន៥លានរៀលនិងក្រសួងមហាផ្ទៃ ៣លានរៀល រីឯជនរងគ្រោះដែលរងរបួស ស្រាល ទទួលបានការឧបត្ថម្ភ ពីកាកបាទក្រហម ម្នាក់ៗ ១លានរៀល។

_______________________
ផ្តល់សិទ្ធិដោយ៖ DAP-NEWS