ម៉ូតូបុកម៉ូតូ បណ្តាលឲ្យស្លាប់២ របួសធ្ងន់៣នាក់ នៅក្រុងស្វាយរៀង
ស្វាយរៀង៖ មនុស្ស
២នាក់ស្លាប់នៅនឹងកន្លែង
និង៣នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍មួយ
បង្កឡើងដោយ ម៉ូតូបុកនិងម៉ូតូលាន់ ដូច រន្ទះ កាលពីវេលាម៉ោង ១១ និង២០នាទី
ព្រឹក ថ្ងៃទី ១១ ខែកក្កដា ឆ្នាំ២០១៤ នៅតាមបណ្តោយផ្លូវលេខ ៣១៥
ស្ថិតក្នុងភូមិព្រៃឆ្លាក់ សង្កាត់ព្រៃឆ្លាក់ ក្រុងស្វាយរៀង ខេត្តស្វាយរៀង។
នគរបាលប៉ុស្តិ៍រដ្ឋបាលសង្កាត់ព្រៃធ្លាក់
ឱ្យដឹងថា លោកតាដែលស្លាប់ឈ្មោះ សំ សាក់ អាយុ៧៨ឆ្នាំ បែកក្បាល
បាក់ជើងស្លាប់ភ្លាមនៅនឹងកន្លែង ចៅឈ្មោះ សំ ស៊ី ភេទប្រុស
អាយុ១៣ឆ្នាំ របួសបែកក្បាលធ្ងន់ធ្ងរសន្លប់ និងចៅឈ្មោះ វ៉ាន់ បញ្ញា
ភេទប្រុស អាយុ១១ឆ្នាំ រងរបួសដាច់ផ្ទៃមុខ និងរលាត់ដៃជើងធ្ងន់ធ្ងរ
៣នាក់តាចៅរស់នៅភូមិក្បាលដំរី ឃុំស្វាយយា ស្រុកស្វាយជ្រំ
ជិះម៉ូតូម៉ាកឌ្រីមសេ១២៥ ពណ៌ខ្មៅ ពាក់ស្លាកលេខភ្នំពេញ 1AF-1942 ។
រីឯភាគីម្ខាងទៀត អ្នកបើកបរឈ្មោះ ពុធ ប្រុស អាយុ២៦ឆ្នាំ
រងរបួសបែកក្បាល រលាត់ជើង បែកមាត់ធ្ងន់ធ្ងរ
ស្លាប់ពេលបញ្ជូនទៅដល់មន្ទីរពេទ្យ
អ្នករួមដំណើរម្នាក់ទៀតពុំទាន់ស្គាល់អត្តសញ្ញាណ
រងរបួសបែកក្បាលធ្ងន់ធ្ងរសន្លប់ធំ អ្នកទាំង២មានទីលំនៅភូមិចំបក់
សង្កាត់ចេក ក្រុងស្វាយរៀង។
ទិដ្ឋភាពកន្លែងកើតហេតុ
អ្នករងរបូស
ទិដ្ឋភាពកន្លែងកើតហេតុ
ប្រភពពី Free Press Magazine
