ពលទាហាន៣គូត្រូវបាន មេបញ្ជាការតំបន់ប្រតិបត្ដិការ សឹករងកោះកុងរៀប មង្គលការឱ្យក្នុងថ្ងៃតែមួយ
ខេត្ដកោះកុង
៖
ពិធីរៀបអាពាហ៍ពិពាហ៍ដ៏អធិកអធមមួយត្រូវបានរៀបចំធ្វើឡើងនៅ
ទីបញ្ជាការដ្ឋានតំបន់ប្រតិ បត្ដិការសឹករងកោះកុងកាលពីថ្ងៃទី១០
ខែកក្កដា ឆ្នាំ២០១៤ ដោយពលទាហាន
ជាកូនកម្លោះនិងកូនក្រមុំចំនួនបីគូបានស្ម័គ្រចិត្ដចូលរោងការនៅ
ថ្ងៃតែមួយ ក្រោមការផ្ដួចផ្ដើមគំនិតរៀបចំពីសំណាក់
លោកឧត្ដមសេនីយ៏ត្រីយន្ដមីនដែលជា មេបញ្ជាការ ។
អាពាហ៍ពិពាហ៍នេះត្រូវបានភ្ញៀវ
ចូលរួមភាគច្រើនចាត់ទុកថាជាមង្គលការមួយកើតឡើងដោយកម្រនៅក្នុង
ប្រទេសកម្ពុជានាសម័យនេះហើយធ្វើឱ្យគេនឹកស្រមៃឃើញដល់អាពាហ៍ពិពាហ៍
ដោយចាប់បង្ខំក្នុងរបបប៉ុលពត ។
លោកឧត្ដមសេនីយ៏ត្រីយន្ដមីនមេ
បញ្ជាការតំបន់ប្រតិបត្ដិការសឹករងកោះកុងបានថ្លែងនៅក្នុងពិធីថា
ដោយសារ ពួកគេបានស្រឡាញ់គ្នាអស់មួយរយៈ
ពេលមកហើយតែគ្រួសារមានជីវភាព
ក្រីក្រពុំអាចរកថវិកាមករៀបការឱ្យ សមរម្យបានលោកក៏បានលើកសំណើ
ទៅកាន់លោកមេបញ្ជាការយោធភូមិ ភាគបីហើយលោកមេបញ្ជាការក៏បាន
ឯកភាពនិងមានការគាំទ្រពីសំណាក់ លោកប៊ុន លើត
អភិបាលខេត្ដព្រមទាំង ថ្នាក់ដឹកនាំខេត្ដឯទៀតៗ ជាពិសេសមាន
ការយល់ព្រមពីសំណាក់មាតាបិតាខាងកូនកម្លោះនិងកូនក្រមុំទាំងសងខាង
ក្នុង នាមរូបលោកជាមេបញ្ជាការក៏ដូចជា
ឪពុកទីពីរក៏បានរៀបចំពីធីនេះឡើងដើម្បី
ឱ្យពួកគេបានរស់នៅនិងសាងអនាគត ជាមួយគ្នាក្នុងនាមជាអាជីពយោធា
។
លោកមេបញ្ជាការបានឱ្យដឹងថា
ពលទាហានទាំងបីគូដែលបានស្ម័គ្រចិត្ដចូលរោងការនៅថ្ងៃតែមួយដូច
គ្នាគឺគូទីមួយមានឈ្មោះពលបាលត្រី សូត្រ សោ ភ័ណ្ឌ
ជាគូនឹងកញ្ញាពលបាលឯកពិន សុធីតា ។
គូទីពីរគឺពលបាលទោ ស៊ុម សំណាង
ជាគូនឹងកញ្ញាពលបាលទោ ហាន់ នយ នឹងគូទីបីគឺពលបាលទោ គង់ គាត
ជាគូ និងកញ្ញាទូច វិចិត្រយ៉ាដា ។ លោកយន្ដ
មីនបានថ្លែងឱ្យដឹងបន្ថែមថា ដោយមាន ការអាណិតស្រឡាញ់ពីលោក
ហ៊ុន ម៉ាណែត មេបញ្ជាការរងកងទ័ពជើងគោកក៏បាន
ផ្ញើចំណងដៃចំនួនបីលានរៀលផងដែរ តាមតំណាងរបស់លោកគឺលោក ហាក់
ឡេង ដោយចងដៃគូស្រករថ្មីក្នុងមួយ គូៗចំនួនមួយលានរៀលហើយចំពោះ
ចំណងដៃដែលទទួលបានពីភ្ញៀវចូលរួម លោកមិនយកមកទូទាត់ទេ លោកនឹង
ចងដៃជូនពួកគេទាំងបីគូនូវ ចំណែក
ស្មើៗគ្នាដើម្បីឱ្យពួកគេទុកធ្វើដើមទុនរកស៊ីទៅថ្ងៃមុខ ។
ជាមួយនឹងការរំភើបរីករាយរកអ្វី
មកប្រៀបផ្ទឹមមិនបានឪពុកម្ដាយក៏ដូចជាខាងកូនកម្លោះកូនក្រមុំបាន
អួលដើមកនិងសូមថ្លែងអំណរគុណនិងជូនពរដល់
លោកមេបញ្ជាការនិងនាយទាហានទាំងអស់សូមឱ្យមានសុខភាពល្អនិងជ័យជម្នះ
ហើយពួកគេប្ដេជ្ញាចិត្ដផងដែរនឹងថែ
រក្សាចំណងអាពាហ៏ពិពាហ៏ដ៏កម្រនេះឱ្យបានថិតថេរគង់វង្សជារៀង
រហូត ៕
ប្រភពពី នគរវត្ត
