អគ្គិភ័យឆាបឆេះ បន្ចប់ផ្ទះជួល ១ល្វែងនៅក្នុងស្រុកសំរោងទង
កំពង់ស្ពឺ៖
អគ្គិភ័យបានឆាបឆេះខ្ទេច
គ្មានសល់ បន្ទប់ផ្ទះជួលដែលធ្វើអំពីឈើតៀមផ្ទាល់ដី
មានរាងជាផ្ទះល្វែង ប្រក់សង្ក័សី ទំហំ ៦ ម៉ែត្រ គុណនឹង ១០ ម៉ែត្រ
ដែលផ្ទះជួលនោះ
សម្រាប់ជួលឲ្យកម្មករស្នាក់នៅ។ប៉ុន្តែអគ្គិភ័យភ្លើង មិនបណ្តាលឲ្យមាន
អ្នករងរបួសនោះទេ គឺគ្រាន់តែបំផ្លាញសម្ភារៈ
និងទ្រព្យសម្បត្តិមួយចំនួនធំតែប៉ុណ្ណោះ។
ករណីអគ្គិភ័យនេះ បានកើតឡើង កាលពីម៉ោង ១២
ថ្ងៃត្រង់ ថ្ងៃទី១១ ខែកក្កដា ឆ្នាំ២០១៤
ស្ថិតនៅតាមបណ្តោយផ្លូវជាតិលេខ៤ នៅទល់មុខសាលាស្រុកសំរោងទង
ក្នុងស្រុកសំរោងទង ខេត្តកំពង់ស្ពឺ។
ប្រភពីកន្លែងកើតហេតុ បានឲ្យដឹងថា
មុនពេលកើតហេតុ គេបានឃើញអណ្តាតភ្លើង បានឆាបឆេះ
ចេញពីផ្ទះធ្វើបាយម្ហូបលក់ឲ្យកម្មករយ៉ាងសន្ធោសន្ធៅ។
ក្រោយបង្កឲ្យមានការភ្ញាក់ផ្អើល ភ្លាមនោះ គេបានឃើញប្រជាពលរដ្ឋ
និងសមត្ថកិច្ចមូលដ្ឋាន បាននាំគ្នាយកម៉ាស៊ីន មកបូមទឹក និងបាញ់ដែរ។
ប៉ុន្តែមិនអាចគ្រប់គ្រងស្ថានភាពនេះបានទេ។
យ៉ាងណាក៏ដោយ
អគ្គិភ័យភ្លើងឆេះផ្ទះបន្ទប់ជួលនោះ
មិនបណ្តាលឲ្យមានអ្នករងរបួសនោះទេ គឺគ្រាន់តែបំផ្លាញសម្ភារៈ
និងទ្រព្យសម្បត្តិមួយចំនួនធំតែប៉ុណ្ណោះ។
ក្រោយពីកើតហេតុ
គេបានឃើញរថយន្តពន្លត់អគ្គិភ័យ របស់ស្នងការដ្ឋាននគរបាល
ខេត្តកំពុង់ស្ពឺ ១ គ្រឿង បានចេញមកជួយអន្តារាគមន៍ តែមកយឺតពេលទៅហើយ
ព្រោះភ្លើងអគ្គិភ័យបានឆាបឆេះផ្ទះលែ្វងបន្ទប់ផ្ទះជួលនោះ
អស់ខ្ទេចបាត់មុនពេលរថយន្តពន្លត់អគ្គិភ័យទៅដល់ម្លេះ។ មូលហេតុ
ដែលបណា្តលឲ្យមានអគ្គិភ័យឆាបឆេះនេះ មកពីភ្លើងចង្ក្រាន៕
អគ្គិភ័យឆាបឆេះ បន្ចប់ផ្ទះជួល ១ល្វែង នៅក្នុងស្រុកសំរោងទង
ប្រភពពី Free Press Magazine
