ភ្នំពេញ ៖ ជនសង្ស័យដែលជាប់ពាក់ព័ន្ធ និងសកម្មភាពលួចគោរបស់ប្រជាពលរដ្ឋស្កាត់ មកពីស្រុកកណ្ដាលស្ទឹង ខេត្ដកណ្ដាលមក ដល់សង្កាត់ កន្ទោក ខណ្ឌពោធិ៍សែនជ័យ ក៏ ត្រូវបានជាប់ខ្នោះរបស់កម្លាំងនគរបាលមូលដ្ឋាន ខណ្ឌពោធិ៍សែនជ័យ ខណៈដែលជន សង្ស័យរូបនេះ កំពុងតែធ្វើសកម្មភាព ។

មន្ដ្រីនគរបាលប៉ុស្ដិ៍កន្ទោកបាននិយាយ ថា មុនពេលកើតហេតុ ប្រជាពលរដ្ឋនៅ ចំណុចដីស្រែ ភូមិស្រែក្នុង សង្កាត់កន្ទោក បានរាយការណ៍មកពី ករណីចោរលួចគោរបស់ ពួកគាត់ ពេលនោះ កម្លាំងនគរបាលមូលដ្ឋាន ដោយមានការណែនាំពីអធិការនគរបាលខណ្ឌពោធិ៍សែនជ័យ បានចុះទៅកន្លែងកើតហេតុ ភ្លាមៗ ហើយឃាត់ខ្លួនជនសង្ស័យរូបនេះបាន កាលពីថ្ងៃទី១០ ខែកក្កដា ឆ្នាំ២០១៤ ។

ប្រភពព័ត៌មានពីមន្ដ្រីនគរបាលខាងលើ បានបន្ដថា ជនសង្ស័យដែលត្រូវចាប់ខ្លួននេះ ឈ្មោះឡេះ សុវណ្ណារ៉ា អាយុ៣៤ឆ្នាំ ជនជាតិ ខ្មែរឥស្លាម មានមុខរបរជាអ្នករកស៊ីកាប់គោ មានស្រុកកំណើតនៅភូមិស្វាយមីង ឃុំបាគូ ស្រុកកណ្ដាលស្ទឹង ខេត្ដកណ្ដាល ។

ក្រោយការចាប់ខ្លួន ជនសង្ស័យរូបនេះ ត្រូវបានបញ្ជូនទៅសួរនាំ និងឃុំខ្លួនជាបណ្ដោះ អាសន្ននៅអធិការដ្ឋាននគរបាលខណ្ឌពោធិ៍សែនជ័យ ដើម្បីកសាងសំណុំរឿងបញ្ជូនទៅកាន់តុលាការ ចាត់ការតាមផ្លូវច្បាប់ ។

________________________
ផ្តល់សិទ្ធិដោយ៖ Lookingtoday