ស្ត្រីវ័យចំណាស់ជិះម៉ូតូតែម្នាក់ឯង ត្រូវឡានដឹកខ្សាច់បើកកិន បាក់ជើងនៅក្នុងថ្លុកឈាម
រាជធានីភ្នំពេញ ៖ ស្ត្រីវ័យចំណាស់ម្នាក់
បានរងរបួសបាក់ជើងទាំងសងខាង ខណៈដែលស្ត្រីរងគ្រោះ
កំពុងជិះម៉ូតូមួយគ្រឿងតែម្នាក់ឯង
ក៏ត្រូវឡានដឹកខ្សាច់បើកបុកនិងកិន កាលពីវេលាម៉ោង
៩និង១០ នាទីព្រឹក ថ្ងៃទី២២ ខែមិថុនា ឆ្នាំ២០១៤ស្ថិតនៅតាម
បណ្តោយ ផ្លូវជាតិ៤ លេខកែងផ្លូវលំទល់មុខវិទ្យាល័យជម្ពូវ័ន
ក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ
ត្រូវបញ្ជូនទៅសង្គ្រោះ នៅមន្ទីរពេទ្យកាល់ម៉ែត។កូនស្រីរបស់ជនរងគ្រោះ បានឲ្យដឹងថា ម្តាយនាងឈ្មោះ អ៊ាង ទាវ អាយុ ៦០ឆ្នាំ មានស្រុកកំណើតនៅក្នុង ភូមិត្រពាំងទួល ឃុំសំរោងលើ ស្រុកអង្គស្នួល បច្ចុប្បន្នស្នាក់នៅ ភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ ជិះម៉ូតូម៉ាកហុងដាគុបជ្រុង អត់ស្លាកលេខ។ដោយឡែករថយន្តដឹកខ្សាច់ ម៉ាកនីស្សាន់ឌីសែល ពណ៌ទឹកប្រាក់លាយឈាមជ្រូក ពាក់ស្លាកលេខ ភ្នំពេញ ៣A-២៩១៧ បើកដោយឈ្មោះ ពេញ សោភ័ណ អាយុ ៤២ឆ្នាំ មានទីលំនៅភូមិព្រៃព្រីងខាងជើង សង្កាត់ចោមចៅ ត្រូវបានប៉ូលិសឃាត់ខ្លួនបានភ្លាមៗ៕
_________________________
ប្រភពព័ត៌មានពី៖ វត្តភ្នំ
