Apple ជាក្រុមហ៊ុនដ៏ល្បី នាំមុខគេខាងស្មាតហ្វូន និងម៉ាស៊ីន Mac ដែលបច្ចុប្បន្នជាគូរប្រជែងធំ បំផុតរបស់ Samsung ប៉ុន្តែ Apple មានប្រាក់ចំណេញប្រចាំឆ្នាំខ្ពស់ជាង Samsung ។

យោងតាមតួលេខនៅក្នុង របាយការណ៍ស្រាវជ្រាវរបស់ World Pay Zonc បានឲ្យដឹងថា ក្រុមហ៊ុន Apple ចំណេញជាង ៧០.០០០ដុល្លារអាមេរិក ក្នុងរយៈពេល ១នាទី និងក្នុង១ថ្ងៃ ចំណេញ ១០០.៨០០.០០០ ដុល្លារអាមេរិក ។ ក្នុង១ថ្ងៃ Apple ចំណេញជាង ១០០លានដុល្លារអាមេរិក តើក្នុង១ឆ្នាំ Apple ចំណេញប៉ុន្មាន ? World Pay Zonc បានបញ្ជាក់ឲ្យដឹងថា ក្នុងរយៈពេល ១ឆ្នាំ Apple ចំណេញរហូតដល់ ទៅ ៣៦,៧៩ពាន់លានដុល្លារអាមេរិក ។

តើអាចជឿបានទេថា Apple ចំណេញជាង ១០០លានដុល្លារអាមេរិក ក្នុង១ថ្ងៃ និងជិត ៣៧ពាន់លាន ដុល្លារអាមេរិក ក្នុង១ឆ្នាំ? នេះជាប្រាក់ចំណេញមួយដែលមិនគួរឲ្យជឿទាល់តែសោះ ។

យោងតាមរបាយការណ៍ប្រចាំឆ្នាំ ចេញផ្សាយដោយក្រុមហ៊ុន Apple បានឲ្យដឹងថា កាលពីឆ្នាំ ២០១៣ Apple ទទួលបានប្រាក់ចំណូលជាង ១៧០ពាន់លានដុល្លារអាមេរិក និងចំណេញជាង ៣៧ពាន់លាន ដុល្លារអាមេរិក ដូច្នេះ បើធៀបជាមួយនឹងរបាយការណ៍របស់ World Pay Zonc ឃើញថា មានតួលេខ ប្រហាក់ប្រហែលគ្នា ៕

_________________________
ផ្តល់សិទ្ធិដោយ៖ Lookingtoday