អ្នកកាសែតThe Nation ត្រូវយោធាថៃចាប់ខ្លួនដោយសារផ្គើន
អ្នកយក
ព័ត៌មានជាន់ខ្ពស់របស់កាសែតThe Nationលោក ប្រាវីត
រ៉ូហ្សាណាភ្រូក(Pravit
Rojanaphruk)កាលពីថ្ងៃម្សិលមិញបានចូលបង្ហាញខ្លួនតាមបញ្ជារបស់
ក្រុមប្រឹក្សាយោធា
និងត្រូវបាននាំខ្លួនទៅកាន់កន្លែងឃុំឃាំងនៅបន្ទាយទាហាន។
និពន្ធនាយករបស់ក្រុមហ៊ុនកាសែត Nation
Multimedia Group
បានអំពាវនាវអោយរបបយោធាគោរពសេរីភាពនៃការបញ្ចេញមតិ
និងសិទ្ធិរបស់ប្រជាជនក្នុងការទទួលបានព័ត៌មាន។
លោកថេបឆៃ
បាននិយាយថា”ជាពិសេសក្នុងពេលមានវិបត្តិដូចនេះ
ការទទួលបានព័ត៌មានរបស់ប្រជាជនវាសំខាន់ណាស់។និងប្រព័ន្ធ
ផ្សព្វផ្សាយមានតួនាទីសំខាន់មួយក្នុងការរក្សាអោយសាធារណជនយល់ដឹង
តាមរយៈរបាយការណ៍សេរីនិងឯករាជ្យ”។
លោកបាននិយាយទៀតថា
លោកគាំទ្រជាខ្លាំងការអំពាវនាវរបស់បណ្តាអង្គការសារព័ត៌មានធំៗរបស់
ថៃ
ដែលសុំអោយរបបយោធាលុបចោលរាល់បញ្ជាដែលចេញក្រោយរដ្ឋប្រហារដែល
រឹតត្បឹតប្រព័ន្ធផ្សព្វផ្សាយ។
ក្នុងពេលជាមួយគ្នា ក្លឹបអ្នកកាសែតថៃ
បានចេញសេចក្តីថ្លែងការណ៍មួយដោយអំពាវនាវអោយរដ្ឋាភិបាលយោធាគោរព
សេរីភាពនៃការបញ្ចេញមតិនិងសិទ្ធិអ្នកកាសែតដើម្បីបានធ្វើកិច្ចការ
ដោយសេរី។ក្លឹបក៏បានអំពាវនាវអោយដោះលែងអ្នកកាសែតដែលត្រូវបាន
ឃុំខ្លួននិងដកចេញកំហិតសារព័ត៌មាន។
ពួកអ្នកកាសែតស្ថិតចំណោមក្រុមមនុស្សដែល
ត្រូវយោធាកោះហៅទៅបង្ហាញខ្លួន នៅពេលវិទ្យុ
ទូរទស្សន៍នឹងត្រូវបានអនុញ្ញាតអោយផ្សាយធម្មតាឡើងវិញ
ដរាបណាសភាពការណ៍វិលមករកភាពប្រក្រតី៕
