CPP ប្រកាសប្រឆាំងរាល់ សកម្មភាពទាំងឡាយណា ដែលយកប្រជាធិបតេយ្យ ទៅធ្វើអាជីវកម្មនយោបាយ
គណបក្ស
ប្រជាជនកម្ពុជា (CPP) ប្រកាសប្រឆាំងចំពោះរាល់សកម្មភាពទាំងឡាយ
ដែលប៉ុនប៉ងយកបញ្ហាប្រជាធិបតេយ្យ និងសិទ្ធិមនុស្សទៅធ្វើជាមធ្យោបាយ
ដើម្បីធ្វើអាជីវកម្មរកចំណេញខាងនយោបាយ។ការប្រកាសរបស់គណបក្សប្រជាជនកម្ពុជា បានធ្វើឡើងនៅក្នុងសេចក្តីថ្លែងការណ៍មួយ ដែលចេញផ្សាយនៅថ្ងៃទី១ឧសភា ដែលជាទិវាពលកម្មអន្តរជាតិនេះ។
សេចក្តីថ្លែងការណ៍របស់គណបក្សប្រជាជនកម្ពុជា បានលើកឡើងថា គណបក្សនេះ ប្តេជ្ញាបន្តអនុវត្តគោលនយោបាយការពារ និងលើកស្ទួយសិទ្ធិ សេរីភាព គ្រប់យ៉ាងរបស់ប្រជាពលរដ្ឋ ដូចមានចែងក្នុងរដ្ឋធម្មនុញ្ញ និងសេចក្តីថ្លែងការណ៍ជាសកលស្តីពីសិទ្ធិមនុស្ស ព្រមទាំងកតិកា និងអនុសញ្ញាអន្តរជាតិនានា ស្តីពីសិទ្ធិមនុស្សជាអាទិ៍ សិទ្ធិមានជីវិតរស់នៅ សិទ្ធិប្រកបរបរចិញ្ចឹមជីវិត សិទ្ធិធ្វើនយោបាយ សិទ្ធិបញ្ចេញមតិ សេរីភាពខាងសារព័ត៌មានជាដើម។
សេចក្តីថ្លែងការណ៍ដដែលបន្តថា គណបក្សប្រជាជនកម្ពុជា កំណត់ច្បាស់ថា ប្រជាធិបតេយ្យ និងសិទ្ធិមនុស្ស ត្រូវស្ថិតនៅក្នុងក្របខណ្ឌច្បាប់ មានការគោរពច្បាប់ទើបធានាឲ្យប្រជាធិបតេយ្យ និងសិទ្ធិមនុស្សបានស្ថិតស្ថេរ និងរីកចម្រើន ដែលក្នុងន័យនេះ គណបក្សប្រជាជនកម្ពុជា គាំទ្រពេញទំហឹងចំពោះវិធានការរបស់រាជរដ្ឋាភិបាល ក្នុងការការពារស្ថិរភាពនយោបាយ សន្តិសុខ សណ្តាប់ធ្នាប់សង្គម និងប្រឆាំងដាច់ខាតចំពោះរាល់សកម្មភាពទាំងឡាយណា ទោះចេញពីប្រភពណាក្តី ដែលប៉ុនប៉ងយកបញ្ហាប្រជាធិបតេយ្យ និងសិទ្ធិមនុស្សទៅធ្វើជាធម្យោបាយ ដើម្បីធ្វើអាជីវកម្មរកចំណេញខាងនយោបាយ។
ការចេញសេចក្តីថ្លែងការណ៍នេះ ធ្វើឡើងខណៈអាជ្ញាធររាជធានីភ្នំពេញ នៅថ្ងៃនេះ បានរារាំងមិនឲ្យក្រុមសហជីព កម្មករ សកម្មជនដីធ្លី និងគណបក្សសង្គ្រោះជាតិ មានការប្រមូលផ្តុំណាប្រារព្ធទិវាពលកម្មអន្តរជាតិ នៅទីលានប្រជាធិបតេយ្យ រដ្ឋសភា និងទីសាធារណៈមួយចំនួនទៀត ដោយលើកហេតុផលថា ការពារសន្តិសុខ និងសណ្តាប់ធ្នាប់សង្គម៕
ការចេញសេចក្តីថ្លែងការណ៍នេះ
ធ្វើឡើងខណៈអាជ្ញាធររាជធានីភ្នំពេញ នៅថ្ងៃនេះ
បានរារាំងមិនឲ្យក្រុមសហជីព កម្មករ សកម្មជនដីធ្លី
និងគណបក្សសង្គ្រោះជាតិ
មានការប្រមូលផ្តុំណាប្រារព្ធទិវាពលកម្មអន្តរជាតិ
នៅទីលានប្រជាធិបតេយ្យ រដ្ឋសភា និងទីសាធារណៈមួយចំនួនទៀត
ដោយលើកហេតុផលថា ការពារសន្តិសុខ និងសណ្តាប់ធ្នាប់សង្គម៕
ប្រភពពី vodhotnews.com
