ក្រសួងមហាផ្ទៃ ព្រមចុះបញ្ជីឲ្យគណបក្សនយោបាយ សម្តេចក្រុមព្រះ នរោត្តម រណឫទ្ធិ តាមការស្នើសុំ
ក្រសួង
មហាផ្ទៃបានសម្រេចចុះបញ្ជីគណបក្សនយោបាយឲ្យសម្តេចក្រុមព្រះ នរោត្តម
រណឫទ្ធិ បង្កើតគណបក្សថ្មី ដែលមានឈ្មោះថា «សង្គមរាស្ត្រ
រាជាធិបតេយ្យ» តាមការស្នើសុំរបស់ប្រធានគណបក្សមួយនេះ។
សេចក្តីប្រកាសស្តីពី ការចុះបញ្ជីគណបក្សនយោ
បាយរបស់ក្រសួងមហាផ្ទៃ ចុះហត្ថលេខា ដោយ លោក ស ខេង
បានចេញផ្សាយកាលពីថ្ងៃទី២២ ខែឧសភា ឆ្នាំ២០១៤ បានឲ្យដឹងថា
ក្រសួងយល់ព្រមចុះបញ្ជីគណបក្សនយោបាយឲ្យសម្តេច ក្រុមព្រះ នរោត្តម
រណឬទ្ធិ ដែលព្រះអង្គជាប្រធានគណបក្សសង្គមរាស្ត្ររាជាធិបតេយ្យ
ដោយសរសេរអក្សរកាត់ ស.រ.រ ។ គណបក្សនេះ
មានទីស្នាក់ការកណ្តាលស្ថិតនៅផ្ទះលេខ៥៩ ផ្លូវលំក្រុម១ ភូមិ២
សង្កាត់ជ្រោយចង្វារ ខណ្ឌឬស្សីកែវ រាជធានីភ្នំពេញ។
កាលពីថ្ងៃទី១៧ ខែមីនា សម្តេចក្រុមព្រះ
នរោត្តម រណឫទ្ធិ ទ្រង់បានដាក់លិខិតទៅក្រសួងមហាផ្ទៃ
ដើម្បីសុំបង្កើតគណបក្សនយោបាយ ដោយបានឡាយព្រះហស្ថលេខា
លើលិខិតសុំបង្កើតគណបក្សនេះ និងមានរូបទ្រង់ផ្ទាល់ និងប្រជាពលរដ្ឋ
៩៩នាក់ បានឯកភាពគ្នាផ្តួចផ្តើមបង្កើត គណបក្សដែលមានឈ្មោះថា
«សង្គមរាស្ត្រ រាជាធិបតេយ្យ»។
ក្នុងលិខិតស្នើសុំនេះ
ក៏បានភ្ជាប់នូវឯកសារពាក់ព័ន្ធមួយចំនួនរួមមាន
ពាក្យសុំបង្កើតគណបក្សនយោបាយ ប្រវត្តិរូបសង្ខេប
បញ្ជីរាយនាមប្រជាពលលរដ្ឋខ្មែរចំនួន ៩៩នាក់
និងអត្តសញ្ញាណប័ណ្ណសញ្ជាតិខ្មែរ និងគណៈកម្មាធិការបណ្តោះអាសន្ន
ដែលមានសមាសភាព ៧រូប ផងដែរ៕
ប្រភពពី vodhotnews.com
