អ្នកជិះកង់២០០នាក់នៅសៀមរាប រៃអង្គាសប្រាក់ជួយមន្ទីរពេទ្យគន្ធបុប្ផា
អ្នកជិះ
កង់២០០នាក់នៅថ្ងៃអាទិត្យនេះ
ធ្វើដំណើរទៅតាមតំបន់ទេសចរនានាក្នុងខេត្ត សៀមរាប
ដើម្បីរៃអង្គាសប្រាក់ពីសប្បុរសជន
យកទៅជួយឧបត្ថម្ភដល់មន្ទីរពេទ្យគន្ធបុប្ផា ដែលកំពុង
ខ្វះថវិកាសម្រាប់ជួយសង្គ្រោះកុមារកម្ពុជា។
ក្លឹបអ្នកជិះកង់ដើម្បីសហគមន៍នៅ
ព្រឹកថ្ងៃអាទិត្យទី២៥នេះ រៀបចំព្រឹត្តិការណ៍ជិះកង់ដើម្បី
រៃអង្គាសថវិកាជូនមន្ទីរទេព្យគន្ធបុប្ផា
ដែលមានការចូលរួមពីអ្នកជិះកង់ប្រមាណ២០០នាក់។
ក្លឹបអ្នកជិះកង់ដើម្បីសហគមន៍បានឲ្យដឹងថា
ទឹកប្រាក់អាចទទួលពីសប្បុរសជនប្រមាណ២០០០ ដុល្លារអាមេរិក។
អ្នកចូលរួមម្នាក់ត្រូវបង់វិភាគទាន១០ដុល្លារ
ទទួលបានកង់សម្រាប់ជិះក្នុងកម្មវិធីនោះ ទទួលបានអាវយឺតមួយ ភេសជ្ជៈ
និងអាហារថ្ងៃត្រង់។
គោលដៅសំខាន់ៗដែលក្លឹបអ្នកជិះកង់ដើម្បីសហគមន៍កំណត់យករួមមាន
បុរីប្រឹមប្រិយ ភ្នំបាក់ខែង ប្រាសាទឃ្លាំង ស្រះស្រង់
និងផ្លូវ៦០ម៉ែត្រជាដើម។កាលពីថ្ងៃទី ២១-២២ ខែកញ្ញា ឆ្នាំ២០១៣ ក្លឹបអ្នកជិះកង់ដើម្បីសហគមន៍ ធ្លាប់បានរៀបចំព្រឹត្តិការណ៍ ជិះកង់ដើម្បីរៃអង្គាសថវិកាសម្រាប់ប្រជាពលរដ្ឋក្រីក្រ នៅភូមិក្បាលក្រពើ ស្រុកពូកខេត្តសៀមរាបដែរ៕
ប្រភពពី vodhotnews.com
