យុវជនឈាមរាវស្រវឹងស្រា ឃើញដូនជីអាយុ៧៧ឆ្នាំ ស្មានតែស្រីក្មេង ចាប់រំលោភហើយសម្លាប់ចោល

5/21/2014 Aohyi Gamer 0 Comments A⁺ a^-

បាត់ដំបង៖ យុវជនឈាមរាវស្ទាវ តណ្ហាក្រាស់ម្នាក់ បានផឹកស្រាជោគខ្លួន វង្វេងវង្វន់ បាត់បង់ស្មារតី ទប់អារម្មណ៍មិនបាន ក៏ចូលទៅចាប់ រំលោភយាយជី អាយុ៧៧ឆ្នាំម្នាក់ ដែលកំពុងតែសម្រាក ក្នុងកុដិម្នាក់ឯង ខណៈដែលកំពុងធ្វើសកម្មភាព នោះយាយជីខំប្រឹងស្រែកឱ្យគេជួយនិងរើបំខ្លាំង បណ្តាលឱ្យជនសង្ស័យច្របាច់ កនិងខ្ទប់មាត់ច្រមុះរហូតដាច់ដង្ហើមស្លាប់។

ហេតុការណ៍នេះ បានកើតឡើង កាលពីវេលាម៉ោង២១និង៣០នាទីយប់ថ្ងៃទី១៩ខែឧសភា ឆ្នាំ២០១៤នៅវត្ត អូរស្បែកប្រើស ភូមិកៀនទំនៀប ឃុំបួរ ស្រុកភ្នំព្រឹក ខេត្តបាត់ដំបង។ជនសង្ស័យត្រូវសមត្ថកិច្ចឃាត់ ខ្លួនកាលពីវេលាម៉ោង៣ព្រឹកថ្ងៃទី២០ ខែឧសភា ឆ្នាំ២០១៤ នៅនិងលំនៅដ្ឋាន។

លោកសុង សុភ័ក្ត្រអធិការស្រុកភ្នំព្រឹកបានអោយដឹងថា ជនសង្ស័យដែលសមត្ថកិច្ចឃាត់ខ្លួនមានឈ្មោះសារ៉េត គឹមហាក់ អាយុ២២ឆ្នាំ ស្នាក់បណ្តោះអាសន្នក្នុងភូមិកើតហេតុមានទីលំនៅភូមិព្រៃទទឹងឃុំអូរ តាគីស្រុកថ្មគោលខេត្តបាត់ដំបង។ចំណែកយាយជីរងគ្រោះស្លាប់មានឈ្មោះ វី នី អាយុ៧៧ឆ្នាំ ស្នាក់បណ្តោះអាសន្នក្នុងវត្តកើតហេតុ មានស្រុកកំណើតនៅភូមិវាលទ្រា ឃុំអូរតាគី ស្រុកថ្មគោល ខេត្តបាត់ដំបង។

ជនសង្ស័យបានសារភាព ប្រាប់ប៉ូលិសថាខ្លួនបានផឹកស្រាតាំងពីម៉ោង៣រសៀលថ្ងៃទី១៩ ខែឧសភា ឆ្នាំ២០១៤រហូតដល់យប់ជ្រៅស្រវឹងជោគជាំហើយនៅម៉ោង២១មុនពេលកើតហេតុ ខ្លួនស្រេកឃ្លានតណ្ហាពេកបានឡើងទៅកុដិចាប់រំលោភយាយជីដែលកំពុង សម្រាក ក្នុងកុដិ។ពេលរំលោភគាត់រើបំរាស់ស្រែកខ្លាំងពេកខ្លួនភ័យខ្លាច អ្នកផ្សេងដឹងក៏យកដៃខ្ទប់មាត់ច្របាច់កគាត់រហូតដាច់ខ្យល់ស្លាប់ តែម្តង។

បន្ទាប់ពីរំលោភបានសម្រេច ជនសង្ស័យបានរត់គេចខ្លួនទៅពួនផ្ទះអ្នកភូមិលុះម៉ោង៣ភ្លឺថ្ងៃទី២០ ខែឧសភា ឆ្នាំ២០១៤ក៏ត្រូវនគរបាលឃាត់ខ្លួនតែម្តង។ក្រោយពីក្រុមគ្រូពេទ្យ ពិនិត្យសពបានឃើញមានទឹកកាមនៅនិងយោនីសពនិងស្នាមម្រាមដៃជនសង្ស័យ លើមុខនិងកសព។សន្និដ្ឋានថាសពត្រូវគេរំលោភបានសម្រេចហើយជនសង្ស័យ ខ្ទប់មាត់ច្របាច់កស្លាប់។បច្ចុប្បន្នសាកសពជនរងគ្រោះ ត្រូវសមត្ថកិច្ចប្រគល់ជូន ក្រុមគ្រួសារដើម្បីធ្វើបុណ្យតាមប្រពៃណី ចំណែកជនសង្ស័យ ត្រូវប៉ូលិសកសាងសំណុំរឿងបញ្ជូនទៅស្នងការដ្ឋាននគរបាលខេត្តចាត់ការ តាមផ្លូវច្បាប់៕