ភ្នំពេញៈ ខណៈដែលបច្ចុប្បន្ន គេសង្កេតឃើញ មាន អ្នកសិល្បៈ និងក្រុមការងារ នៅស្ថានីយទូរទស្សន៍ ស៊ីធីអិន បានរៀបចំយុទ្ធនា ការស្វែងរកថវិកា យកទៅឧបត្ថម្ភ ដល់មន្ទីពេទ្យគន្ធបុប្ផានោះ គេសង្កេតឃើញថា ទន្ទឹមជាមួយគ្នា តារាចម្រៀងប្រុសស្រី ល្បីឈ្មោះ ពីរដួង ក្នុងផលិតកម្មថោន គឺ កញ្ញា សុគន្ធ នីសា និង លោក ខេម ក៏បានចូលរួម ចំណែក បង្ហើរសំនៀងរៀបរាប់ ពីអត្ថប្រយោជន៍ និងធ្វើការត្អូញត្អែរ ចំពោះស្ថានភាព របស់មន្ទីរពេទ្យ កំពុងតែជួបការខ្វះខាត ។
បទចម្រៀងមួយ មានចំណងជើងថា “គន្ធបុប្ផា និងក្តីសង្ឃឹម ” របស់ តារាចម្រៀង សុគន្ធ នីសា និង លោក ខេម បានឆ្លុះបញ្ចាំងពី អត្ថប្រយោជន៍ របស់មន្ទីរពេទ្យគន្ធបុប្ផា ដែលបានជួយសង្គ្រោះ កុមារក្រីក្រ រាប់លាននាក់ ហើយនៅក្នុងអត្ថន័យ បទចម្រៀងនេះ បានសរបញ្ជាក់ ពីភាពខ្វះខាត និងការលំបាក របស់មន្ទីរពេទ្យ មួយនេះ និងការខ្វះខាត ហើយដង្ហោយ ស្វែងរកជំនួយ ដើម្បីទ្រទ្រង់ ឲ្យដំណើរការជាបន្តទៀត ។
ទស្សនិកជនចង់ដឹងទេថា អត្ថន័យបទចម្រៀងមួយបទ ខាងលើនេះ មានបង្កប់ន័យសំខាន់ កម្រិតណា ហើយមន្ទីរពេទ្យនេះ មានអត្ថប្រយោជន៍ ធំធេងប៉ុណ្ណា សម្រាប់កុមារ រាប់លាននាក់ នៅក្នុងប្រទេស កម្ពុជាយើង ។ ប្រសិនបើលោក អ្នកចង់ដឹង កុំឲ្យខាតពេលយូរ តោះទៅទស្សនាជាមួយ LookingTODAY ទាំងអស់គ្នា ៖