ឱក សុគន្ធកញ្ញា តារាដំបូងរបស់កម្ពុជា ដែលក្រុមហ៊ុនជប៉ុន ដាក់ជា ម៉ាកសម្លៀកបំពាក់
ភ្នំពេញ: ក្រុម
ហ៊ន Sovereign Retail Group ជាដៃគូរបស់ World Co., Ltd បានសហការគ្នា
ជ្រើសរើសម៉ាកមួយចំនួន មកលក់នៅកម្ពុជាក្នុងតម្លៃសមរម្យ
ដែលមានចាប់ពីប្រមាណ ២៥ដល់ជាង១០០ដុល្លារ ហើយជ្រើសយក តារាចម្រៀងស្រី
ឱក សុគន្ធកញ្ញា ដែលជាតារាស្រី ដំបូងគេ របស់កម្ពុជា ដែលក្លាយជា Brand
សម្រាប់ក្រុមហ៊ុនជប៉ុន ដែលបានមើលឃើញ ពីការរីកលូតលាស់
នូវវិស័យម៉ូដសម្លៀកបំពាក់នៅប្រទេសកម្ពុជា។ក្រុមហ៊ុនមួយនេះ និងចាប់ដំណើរការ សំលៀកបំពាក់ដ៏ថ្មីសន្លាងមួយ នៅពេលហាងដ៏ធំនឹងលេចឡើងនៅ ផ្សារទំនើបអ៊ីអនម៉ល នាថ្ងៃទី៣០ មិថុនា នេះបើតាមការប្រកាសជាផ្លូវការដែលធ្វើឡើង នៅសណ្ឋាគារ ឡឺរ៉ូយ៉ាល់ កាលពីយប់ថ្ងៃទី ២២ ឧសភា ២០១៤។
លោក Ly Souden ប្រធានក្រុមហ៊ន Sovereign Retail Group បាននិយាយថា ក្រុមហ៊ុននឹងនាំមុខការផ្គត់ផ្គង់ខោអាវម៉ាកល្បីនៅកម្ពុជា ដែលជាដៃគូរបស់ World Co., Ltd ហើយវត្តមានហាងថ្មីនឹងនាំមកនូវសំលៀកបំពាក់ជាទីពេញចិត្ត ដល់យុវវ័យខ្មែរ។ World ផ្គត់ផ្គង់ខោអាវម៉ាកប្រណិតៗជាង១០០ម៉ាក សម្រាប់ Flaxus Tokyo នឹងជ្រើសរើសម៉ាកមួយចំនួន មកលក់នៅកម្ពុជាក្នុងតម្លៃសមរម្យ។
លោក Ly Souden បន្ថែមអ្វីដែលជាក្ដីរំពឹងរបស់ទីផ្សារលោក៖ “យុវវ័យសព្វថ្ងៃកំពុងពេញនិយមខ្លាំងលើម៉ូតខោអាវ របស់កូរ៉េ របស់ជប៉ុនជាខ្លាំង។ តាមរយៈម៉ូដបែបអាស៊ីសម្រាប់យុវវ័យ និងតម្លៃសមរម្យយើងជឿជាក់ថា Flaxus Tokyo នឹងទទួលការគាំទ្រជាមិនខាន”។
លោក Radachi តំណាងក្រុម World Co., Ltd ថាជាក្ដីរំភើបសម្រាប់យុវវ័យដែលហាង Flaxus Tokyo នឹងបង្កើត Brand ខោអាវដ៏ថ្មីសន្លាងមួយ ដើម្បីបម្រើជូនកម្ពុជា ដោយនឹងប្រើឈ្មោះតារាចម្រៀងសម្បូរការគាំទ្រ ឱក សុគន្ធកញ្ញា (ASK) តែម្ដង។
សម្រាប់ថ្ងៃសម្ពោធហាង Flaxus Tokyo ហាងខោអាវកាលីបបែបជប៉ុនដំបូងបង្អស់នៅកម្ពុជា សុគន្ធកញ្ញា នឹងបង្ហាញវត្តមាន ជាមួយឈុតខោអាវ ដែលមាន Brand (ASK) ដែលជាអក្សរកាត់នៃឈ្មោះរបស់នាងតែម្តង។
មិនមែនមានតែខោអាវស៊ីវិល័យដែលប្រើប្រាស់ Brand របស់ ឱក សុគន្ធកញ្ញា ទេ តែហាងជាន់ផ្ទាល់ដីនៅផ្សារទំនើបគ្រោងសម្ពោធខែកក្កដាមួយនេះ ក៏នឹងនាំម៉ាកសំលៀកបំពាក់ ជាច្រើនទៀត ដែលកំពុងល្បីនិងពេញនិយមនៅ ជប៉ុន ដូច OZOC និង TK ជាដើម៕X
