ឈ្មួញកាប់បំផ្លាញព្រៃឈើរាប់ម៉ឺនហិកតា នៅក្នុងដែនជំរកសត្វព្រៃភ្នំព្រេច ស្រុកកោះញែក
ខេត្តមណ្ឌលគិរី
៖ ឈ្មួញកំពុងកាប់បំផ្លាញ
ព្រៃឈើរាប់ម៉ឺនហិកតា នៅក្នុងដែនជំរកសត្វព្រៃភ្នំព្រេច
ស្ថិតនៅស្រុកកោះញែក ខេត្តមណ្ឌលគិរី
ដោយគ្មានការការទប់ស្កាត់បន្តិចសោះឡើយ។ដែនជំរកសត្វព្រៃភ្នំព្រេច
ជាជំរំជំរក ពពូកសត្វជីវះចំរុះ រស់នៅបច្ចុប្បន្នកំពុងប្រឈមក្លាយជា
វិនាសកម្មព្រៃឈើទៅហើយ។
សកម្មភាពកើតមានបទល្មើសទាំងនេះកំពុង
ត្រូវបានប្រជាពលរដ្ឋព្រមទាំងសហគមន៍ការពារព្រៃឈើធ្វើកាដាក់បន្ទុក
ទៅលើលោកនាយកដែនជំរកជាអ្នកគ្រប់គ្រង
និងប្រធានមន្ទីបរិស្ថានខេត្តជាអ្នកបើកដៃឱ្យជនល្មើសចូល កាប់ អារ
និងដឹកជញ្ជូនទៅលក់ឱ្យមេឈ្មួញធំៗ។
ប្រភពព័ត៌មានចេញពីសហគមន៍ការពារព្រៃឈើ
ជាច្រើនបាននាំគ្នាសំដែងនូវការព្រួយបារម្ភយ៉ាងខ្លាំង
ចំពោះការរលាយហិនហោចព្រៃឈើ ដោយសារលោកឈិត សុផល
ជាប្រធានមន្ទីបរិស្ថាន និងបក្សពួក ព្រមទាំងលោកសំរ៉ង ឌីវិចិត្រ
នាយកដែនជំរកសត្វព្រៃ ភ្នំព្រេច មានការធូរលុង ឃុបឃិត បណ្តែតបណ្តោយ
ឱ្យជនខិលខូច និងមេឈ្មួញធំៗ ចូលមកកាប់ អារ
ឈើប្រណីតនៅក្នុងតំបន់ស្នូលដែនជំរកសត្វព្រៃខាងលើរាប់ម៉ឺនម៉ែត្រគូប
ដឹកចេញពី ឃុំចុងផ្លាស់ ឃុំមេម៉ង់ និងស្រុកកោះញែក ខេត្តមណ្ឌលគិរី
ដោយគ្មានការទប់ស្កាត់នោះទេ។
សហគមន៍ការពារព្រៃឈើបន្តថា ប្រភេទឈើប្រណីត
ដែលក្រុមជនល្មើស បានប្រព្រឹត្តនោះ
ត្រូវបានមេឈ្មួញដឹកជញ្ជូនឆ្លងចូលទៅលក់នៅក្នុងខេត្តក្រចេះតាមច្រក
ភ្នំព្រេច ក្នុងឃុំស្វាយជ្រះ ស្រុកស្នួល នឹងឃុំកន្តួត
ស្រុកចិត្របូរី ពីស្រុកកោះញែក ដឹកឆ្លងកាត់តាមច្រក ឃុំរលួស
ស្រុកសំបូរខេត្តក្រចេះរីឯឈើប្រណីតមួយចំនួនទៀតត្រូវបានគេដឹកជញ្ជូន
ឆ្លងកាត់យកទៅលក់នៅ ព្រុំប្រទល់ប្រទេស វៀតណាម។
ហើយអ្វីដែលជាបញ្ហាប្រឈមឈាន
ទៅរកការរលាយបាត់បង់ព្រៃឈើ និងពពួកសត្វព្រៃនាពេលខាងមុខនោះ
ប្រជាសហគមន៍ការពារព្រៃឈើខេត្តមណ្ឌលគិរី បានសំណូមពរដល់លោក ឈិត
សុផល ប្រធានមន្ទីបរិស្ថានខេត្ត និងលោក សំរ៉ង ឌីវិចិត្រ
នាយកដែនជំរកសត្វព្រៃភ្នំព្រេចមេត្តាជួយស្រាវជ្រាវពិនិតមើលទំហំ
និងវិសាលភាពនៃការបាត់បង់ព្រៃឈើនៅដំបន់ដែលខ្លួនគ្រប់គ្រងផង។
ប្រជាសហគមន៍ការពារព្រៃឈើទាំនោះ
នាំគ្នានិយាយថា ល្មមដល់ពេលលោក ឈិត សុផល ប្រធានមន្ទីបរិស្ថានខេត្ត
និង លោក សំរ៉ង ឌីវិចិត្រ នាយកដែនជំរកសត្វព្រៃភ្នំព្រេច ដល់ពេល
ដល់ម៉ោង ជួយរិតបណ្តឹង ប្រពន្ឋ័នៃការគ្រប់គ្រងដំបន់
ហាមឃាត់នេះឱ្យបានល្អប្រសើរ គង់វង្សផង បើពុំដូច្នេះទេ
វាអាចរលំរលាយព្រៃឈើអស់ហើយ។ដោយបព្ជាក់ថា បើអស់លោក
អសមត្ថភាពក្នុងការគ្រប់គ្រងធនធាន ធម្មជាតិនេះ
សូមអស់លោក លាឈប់ពីតំណែងទទួលខុសត្រូវ នៅក្នុងតំបន់ខាងលើនេះទៅ
ដើម្បីឱកាសឱ្យអ្នកក្រោយ ដែលគេមានសមត្ថភាព
និងចំណេះដឹងច្រើនជាងអស់លោក ចូលមកកាន់តំណែងនេះជំនួសវិញទៅ៕
ប្រភពពី Free Press Magazine
