ស្ដ្រីរកស៊ីផ្លូវភេទជ្រកក្រោម ស្លាកយីហោហាងកាហ្វេនៅ ម្ដុំត្រឡោកបែកត្រូវសមត្ថកិច្ចបង្ក្រាប
ភ្នំពេញ
៖
នគរបាលការិយាល័យប្រឆាំងការជួញដូរមនុស្សនិងការពារអនិតិជននៃ
ស្នងការដ្ឋាននគរបាលរាជធានីភ្នំពេញសហការជាមួយនឹងនគរ
បាលប៉ុស្ដិ៍បឹកកក់២
ខណ្ឌទួលគោកធ្វើការបង្ក្រាបទីតាំងលក់កាហ្វេដែលបង្កប់សេវាផ្លូវភេទ
និងឃាត់ខ្លួនបានស្ដ្រីជាមេបនម្នាក់នារីបម្រើផ្លូវភេទ៤នាក់ ។
ករណីចុះបង្ក្រាបទីតាំងបម្រើផ្លូវភេទខាងលើ
នេះបានប្រព្រឹត្ដទៅនៅវេលាម៉ោង៣និង២០នាទីរសៀលថ្ងៃទី២៨
ខែមេសា ឆ្នាំ២០១៤ នៅចំណុចផ្ទះលក់ កាហ្វេ បាយម្ហូប
ព្រឹកថ្ងៃល្ងាច ស្ថិតតាមបណ្ដោយផ្លូវ៥៩៨ ម្ដុំត្រឡោកបែក
ក្នុងសង្កាត់បឹងកក់២ ខណ្ឌទួលគោក ។
ក្នុងការចុះបង្ក្រាបទីតាំងលួចបង្កប់
សេវាផ្លូវភេទខាងលើនេះដឹកនាំដោយ លោក ហោ លីនណា ព្រះរាជអាជ្ញារង
អមសាលាដំបូងរាជធានីភ្នំពេញនិង លោក ថន ផានិត នាយរងការិយាល័យ
ប្រឆាំងការជួញដូរមនុស្សនិងការពារ
អនិតិជននៃស្នងការដ្ឋាននគរបាលរាជ ធានីភ្នំពេញ ។
លោក ថន ផានិត
នាយរងការិយាល័យបានឱ្យដឹងថា មេបនដែលឃាត់ខ្លួនខាងលើនេះឈ្មោះ
អ៊ុំ សុផល ភេទស្រី អាយុ៥៦ឆ្នាំ
ស្នាក់នៅទីតាំងខាងលើនិងនារី៤នាក់ទៀតដែលបម្រើផ្លូវភេទរួមនឹង
វត្ថុតាងជាក់ស្ដែងមួយចំនួនដូចជា ស្រោមអនាម័យជាដើម ។
លោកបានបន្ដទៀតថា បន្ទាប់ពីធ្វើ
ការឃាត់ខ្លួនមេបននិងនារីរកស៊ីផ្លូវភេទ
ខាងលើនេះត្រូវបានបញ្ជូនទៅសាកសួរ នៅការិយាល័យប្រឆាំងការជួញដូរ
មនុស្សនិងអនិតិជនដើម្បីកសាងសំណុំរឿងបញ្ជូនទៅសាលាដំបូងរាជធានី
ភ្នំពេញចាត់ការតាមផ្លូវច្បាប់ ។
គួរបញ្ជាក់ផងដែរថា
ទីតាំងខាងលើនេះគេឃើញសមត្ថកិច្ចតែងតែបង្ក្រាប ជាញឹកញាប់ផងដែរ
ប៉ុន្ដែនៅតែមានដដែល ហើយប្រជាពលរដ្ឋក៏បាននាំគ្នា
និយាយផងដែរថា គេឃើញសមត្ថកិច្ច
ចុះចាប់បានតែទីតាំងតូចៗតែប៉ុណ្ណោះ
ដោយឡែកដូចជាក្នុងសណ្ឋាគារធំៗឬ
ទីតាំងម៉ាស្សាក្នុងរាជធានីភ្នំពេញគេមិនឃើញមានសមត្ថកិច្ចចុះទៅ
បង្ក្រាបទីតាំងនោះទេសង្ស័យថា
ទំនងជាមានលាភសក្ការៈពីទីតាំងធំៗទាំងនោះហើយមើលទៅ ៕
ប្រភពព័ត៌មានពី៖ នគវត្ត
