បាត់លុយបញ្ញើរាប់សិបលាន រៀលក្នុងស្ថាប័នមីក្រូហិរញ្ញវត្ថុ ប្រាសាក់នៅខេត្ដព្រះវិហារ
ខេត្ដព្រះវិហារ ៖ គ្រឹះស្ថានមីក្រូ
ហិរញ្ញវត្ថុប្រាសាក់នៅស្រុកគូលែននិង ស្រុករវៀង
ខេត្ដព្រះវិហារបានកើតមាន បញ្ហាបាត់ប្រាក់ច្រើនរយលានរៀល
អំឡុងខែមីនា ឆ្នាំ២០១៤
ហើយព្យាយាមលាក់បិទបាំងព័ត៌មានយ៉ាងជិតមិនឱ្យមហាជនដឹងឮ
ប៉ុន្ដែរឿងអាស្រូវទាំង
នេះត្រូវបានអតិថិជនប្រាសាក់បើកកកាយប្រាប់អ្នកសារព័ត៌មានបានដឹង
អស់ទៅហើយ ។រឿងអាស្រូវនៅមីក្រូហិរញ្ញវត្ថុប្រា សាក់ខេត្ដព្រះវិហារ មាន២ករណីគឺករណី ទី១កើតទ្បើងនៅស្រុកគូលែន ។ តាម ប្រភពព័ត៌មានពីនគរបាលជំនាញបាន ឱ្យដឹងថា បុគ្គលិកប្រាសាក់ប្រចាំស្រុក គូលែនបានលួចយកលុយបញ្ញើរបស់ អតិថិជនចំនួន៦៥លានរៀល កាលពី ដើម ខែមីនា ឆ្នាំ២០១៤នេះ ។
ប្រធានសាខាប្រាសាក់ថ្មីប្រចាំស្រុកគូលែនដែលមានទីតាំងស្ថិត នៅភូមិ គូលែនត្បូង ឃុំគូលែនត្បូង ស្រុកគូលែន បានឱ្យអ្នកសារព័ត៌មានដឹងថា ពិតជា មានករណីនេះកើតទ្បើងប្រាកដមែន ដោយលោកបានដឹងខ្លះថា ឈ្មោះ គឹម សាន្ដ ប្រធានសាខាប្រាសាក់គូលែន ជា ជនជាប់សង្ស័យបានរត់គេចខ្លួនរយៈពេលជាង២សបា្ដហ៍មកហើយ ។ ឈ្មោះ គឹម សាន្ដមានលំនៅឋានបច្ចុប្បន្នស្ថិត នៅស្រុកបារាយណ៍ ខេត្ដកំពង់ធំមកធ្វើ ការនៅស្រុកគូលែន ខេត្ដព្រះវិហារ ។
ប្រភពព័ត៌មានពីនគរបាលបានឱ្យដឹងថា ជនសង្ស័យឈ្មោះ គឹម សាន្ដ បានលួចចាក់សោទូយកលុយបញ្ញើរបស់ អតិថិជនចំនួន៦៥លានរៀលបានសម្រេច ពេលអ្នកកាន់សោទូម្នាក់ទៀតមិនបានមកធ្វើការ ។ បន្ទាប់ពីប្រមូលលុយក្នុងទូ រួចជនសង្ស័យបានប្រើល្បិចឱ្យលុយសន្ដិសុខទៅទិញទំនិញនៅខាងក្រៅ ហើយ ពេលនោះឈ្មោះគឹម សាន្ដ បានឆ្លៀត ឱកាសរត់គេចខ្លួនចេញតែម្ដង ។
បច្ចុប្បន្នសមត្ថកិច្ចនគរបាលជំនាញកំពុងស្រាវជ្រាវតាមចាប់ខ្លួន ជនសង្ស័យខាងលើយកមកផ្ដន្ទាទោសតាមផ្លូវ ច្បាប់តាមពាក្យបណ្ដឹងរបស់អង្គភាព ប្រាសាក់ប្រចាំខេត្ដព្រះវិហារ ។ រីឯករណីទី២ជាករណីកើតទ្បើងថ្មីៗគឺជនសង្ស័យជាប់ចោទពីបទក្បត់ ទំនុកចិត្ដដែលត្រូវបានអង្គភាពប្រាសាក់ប្រចាំ ខេត្ដព្រះវិហារដាក់ពាក្យបណ្ដឹងមក សមត្ថកិច្ចនគរបាលខេត្ដប្ដឹងពីជន សង្ស័យថាបានក្លែងលិខិតលួចលុយបញ្ញើអតិថិជនអស់ចំនួន៣លាន៩សែន រៀល និង១៥០ដុល្លារសហរដ្ឋអាមេរិក។
លោក ទិត្យ ហ៊ុន ប្រធានការិយាល័យ ព្រហ្មទណ្ឌកម្រិតស្រាលនៃស្នងការដ្ឋាន នគរបាលខេត្ដព្រះវិហារបានឱ្យដឹងថា បន្ទាប់ពីទទួលពាក្យបណ្ដឹងរួចមកភ្លាមៗនោះលោកបានសុំដីកាពី តុលាការខេត្ដ ដឹកនាំកម្លាំងចុះទៅដល់ទីតាំងសាខា ប្រាសាក់ប្រចាំស្រុករវៀងកាលពីថ្ងៃ ទី២៥មីនាហើយឃាត់ខ្លួនជនសង្ស័យ ភ្លាមៗពេលជនសង្ស័យមិនបានដឹងខ្លួន ។ ជនសង្ស័យត្រូវបានបញ្ជូនខ្លួនទៅកាន់ តុលាការខេត្ដនៅរសៀលថ្ងៃទី២៦ ខែមីនា ឆ្នាំ២០១៤ ។
មន្ដ្រីសាលាដំបូងខេត្ដបានឱ្យដឹងថា ជនសង្ស័យឈ្មោះ អ៊ាន រិទ្ធី ភេទប្រុស អាយុ២៤ឆ្នាំ មានទីលំនៅបច្ចុប្បន្ននៅ ខេត្ដកំពង់ធំ ជាប់ចោទពីបទរំលោភលើ ទំនុកចិត្ដមានស្ថានទម្ងន់ទោសតាម ក្រមព្រហ្មទណ្ឌមាត្រា៣៩១ ត្រូវផ្ដន្ទា ទោសដាក់ពន្ធនាគារពី៦ខែដល់៣ឆ្នាំនិងត្រូវពិន័យជាប្រាក់ចាប់ពី ១លានដល់៦ លានរៀល ។ បន្ទាប់ពីលោកចៅក្រម ស៊ើបសួរជនជាប់ចោទខាងលើរួចមក នៅវេលាម៉ោង៥ល្ងាចថ្ងៃទី២៦ ខែមីនា ឆ្នាំ២០១៤ លោកចៅក្រមបានសម្រេច ចេញដីកាឃុំខ្លួនជនជាប់ចោទឈ្មោះ អ៊ាន រិទ្ធី ដាក់ពន្ធនាគារខេត្ដបណ្ដោះ អាសន្ន ។
នៅក្នុងបរិវេណសាលាដំបូងខេត្ដគេ សង្កេតឃើញឪពុកម្ដាយនិងបងស្រីមកពីខេត្ដកំពង់ធំជួយរត់ការឱ្យជន ជាប់ចោទផងដែរ ។ បងស្រីបង្កើតរបស់ជន ជាប់ចោទម្នាក់បាននិយាយប្រាប់មន្ដ្រីតុលាការថា រឿងបាត់លុយកាក់ប៉ុណ្ណឹង មិនគួរអង្គភាពប្រាសាក់ប្ដឹងប្អូនប្រុស របស់គាត់នោះទេ ។
ពាក់ព័ន្ធរឿងអាស្រូវទាំង២ករណីនេះអ្នកសារព័ត៌មានមិនអាចទាក់ទង សុំការបំភ្លឺឱ្យបានច្បាស់លាស់ពីអង្គភាព ប្រាសាក់ជាដើមបណ្ដឹងបានទេដោយ ស្រាវជ្រាវរកលេខទូរស័ព្ទអ្នកដើមបណ្ដឹង ពីអាជ្ញាធរមានសមត្ថកិច្ចមិនបាន ។
គួរបញ្ជាក់ថា សាខាស្ថាប័នមីក្រូ ហិរញ្ញវត្ថុប្រាសាក់ប្រចាំស្រុកគូលែន បានទទួលរងផលប៉ះពាល់អាក្រក់ដោយសង្កេតឃើញថាទិដ្ឋភាពនៅទីនោះមាន សភាពស្ងាត់ឈឹងមិនឃើញមានអតិថិជនណាម្នាក់យកលុយទៅផ្ញើនិងខ្ចីបុល នោះទេ ។
យ៉ាងហោចណាស់ក៏មានករណីបាត់លុយបន្លំឯកសារផ្ដើមចេញដោយ បុគ្គលិកមីក្រូហិរញ្ញវត្ថុយកពីស្ថាប័នរបស់ខ្លួន ហើយការបាត់បង់ទ្រព្យសម្បត្ដិក្រុមហ៊ុន ទាំងនេះគឺជាបច្ច័យដ៏អាក្រក់មួយជះឥទ្ធិ ពលមកដល់អតិថិជនដែលជាដៃគូរបស់ ខ្លួន ឃា្លតឆ្ងាយទំនុកចិត្ដលើការដាក់ប្រាក់បញ្ញើ បើទោះជាមានការទទួលខុសត្រូវតាមផ្លូវច្បាប់យ៉ាងណាក៏ដោយ ។
អាជីវករលក់សាំងនៅក្រុងត្បែងមានជ័យ ខេត្ដសៀមរាបបានលើកឡើងថា “ខ្ញុំភ័យលោះព្រលឹង ពេលដែលឪពុកមា របស់ខ្ញុំនិយាយថាគេចាប់មនុស្សដាក់ ពន្ធនាគារពាក់ព័ន្ធលួចប្រាក់និងបន្លំឯក សារយកប្រាក់ពីមីក្រូហិរញ្ញវត្ថុប្រាសាក់ ខណៈប្រាក់របស់ខ្ញុំកន្លងទៅ មុននឹងយក ទៅឱ្យថ្លៃប្រេងភ័យពេកក៏សម្រេចចិត្ដ ផ្ញើនៅប្រាសាក់ តែដល់ឮបែបនេះខ្ញុំ ប្រហែលជាគ្មានទំនុកចិត្ដ ព្រោះការក លុយសព្វថ្ងៃលំបាកណាស់ ដូច្នេះខ្ញុំមិន ប្រាថ្នាលំបាកផ្លូវចិត្ដតតាំងក្ដីក្ដាំតាមផ្លូវតុលាការ ប្រសិនបើបាត់លុយនោះ ។
អាជីវករដដែលបន្ដថា ឥឡូវសម្បូរ ម្ល៉េះករណីបុគ្គលិកធនាគារចូលចិត្ដតែ ប្រើប្រាស់រូបភាពអំពើទុច្ចរិតលួចលុយ និងប្រើប្រាស់ឯកសារក្លែងបោកក្រុមហ៊ុន បែបនេះ? ពីមុនមានករណីប្លន់ ចាប់ ជំរិតដែលជនឧក្រិដ្ឋជាបុគ្គលិកធនាគារ អេស៊ីលីដា សាខាស្រុកចម្ការលើខេត្ដ កំពង់ចាម ប្លន់ទីតាំងខ្លួនឯងគ្រប់គ្រងនិង ធ្វើការពេលនេះទៀតមានបុគ្គលិក ប្រាសាក់បន្លំលួចលុយអង្គភាពរបស់ខ្លួន សុទ្ធជាការធ្វេសប្រហែសឬខ្វះភាពទទួល ខុសត្រូវចំពោះអ្នកគ្រង់គ្រង ។
មានករណីបែបនេះអាចកើតមានជាច្រើន ប៉ុន្ដែក្រុមហ៊ុនបានលាក់លៀម ដើម្បីបញ្ចៀសការដាក់ភាពសង្ស័យបាត់ បង់អតិថិជន តែទីបំផុតព័ត៌មាននេះត្រូវ បានទម្លាយថាមីក្រូហិរញ្ញវត្ថុប្រាសាក់ មានបញា្ហាមិនចេះចប់ ហើយអតិថិជន អាចខ្វះទំនុកចិត្ដ ស្របពេលដែលមីក្រូ ហិរញ្ញវត្ថុជាច្រើនកំពុងប្រណាំងប្រជែង ទីផ្សារដោយភាពស្មោះត្រង់ និងផ្ដល់ទំនុក ចិត្ដសុវត្ថិភាពគ្រប់បែបយ៉ាងដល់អតិថិជនជាម្ចាស់ទ្រព្យនោះ ។
កាលពីដើមខែមករា ឆ្នាំ២០១៤ស្ដ្រី ម្នាក់ព្រមទាំងប្អូនប្រុសរបស់ខ្លួនបាន អះអាងប្រាប់នគរវត្ដថា ខាងសាខា ប្រាសាក់នៅអ្នកលឿងបង្កើតការអូត កុហកថា ឯកសារផ្ទះរបស់គាត់មិនអាច មានលក្ខណៈគ្រប់គ្រាន់ ដើម្បីខ្ចីប្រាក់ពីប្រាសាក់ ប៉ុន្ដែរូបគេជាក្រុម(សេអូ) ដែលចុះមកពិនិត្យជាក់ស្ដែងនិងរៀបចំ ឯកសារ អាចជួយឱ្យឯកសារនេះស្របច្បាប់ ប៉ុន្ដែតម្រូវឱ្យបុគ្គលិកប្រាសាក់រូប នោះចូលរួមខ្ចីពាក់កណ្ដាល ដោយលាក់ អថ៌កំបាំងមិនឱ្យខាងសាខាប្រាសាក់ដឹង ប៉ុនែគេនឹងយកប្រាក់មកបង់រំលោះជាមួយរាល់ខែ ។ ផ្ទុយទៅវិញបុគ្គលិករូប នោះឆបោកគេចខ្លួន ទូរស័ព្ទចូលឆ្លើយ ដោះសារដូច្នេះគាត់សូមសន្យាថាខ្លាច ហើយខាងលោកប្រាសាក់ ម្នាក់ៗចេះតែល្បិចឆបោក ៕
ប្រភពពីនគរវត្ត
