ជនជាប់ចោទបទឧក្រិដ្ឋ រស់ សារិន ចេញពីពន្ធនាគារបង្ក ឱ្យមានការភ្ញាក់ផ្អើល
ភ្នំពេញ
៖ ជនជាប់ចោទ រស់ សារិន
អតីតប្រធានគណៈកម្មការវត្ដសុវណ្ណធម្មរាជ មានទីលំនៅផ្ទះលេខ១៤
សង្កាត់ ផ្សារដេប៉ូ៣ ខណ្ឌទួលគោក រាជធានី ភ្នំពេញ
ដែលសាលាដំបូងរាជធានីភ្នំពេញសម្រេចផ្ដន្ទាទោសដាក់ពន្ធនាគារ
កំណត់រយៈពេល១៧ឆ្នាំពីបទ “រំលោភ សេពសន្ថវៈ”
ដែលប្រព្រឹត្ដនៅវត្ដភ្នំរាប
និងវត្ដសុវណ្ណធម្មរាជកាលពីឆ្នាំ១៩៩៤, ២០០៣, ២០០៤ និងឆ្នាំ២០០៩
ដែល ត្រូវផ្ដន្ទាទោសតាមមាត្រា៥នៃច្បាប់
ស្ដីពីស្ថានទម្ងន់ទោសនៃបទឧក្រិដ្ឋ ត្រូវ
បានគេប្រទះឃើញជនជាប់ចោទខាង លើនេះចេញពីពន្ធនាគារមានសេរីភាព
បើទោះជាករណីរំលោភសេពសន្ថវៈនេះ ប្រព្រឹត្ដច្រើនដង
ក្នុងនោះមានជនរង គ្រោះជាអនីតិជនទៀតនោះក៏ដោយ ។គួររំលឹកថា ជនជាប់ចោទ រស់ សារិន ត្រូវបានកម្លាំងកងរាជអាវុធហត្ថលើផ្ទៃ ប្រទេសឃាត់ខ្លួនកាលពីថ្ងៃទី១៤ ខែមិថុនា ឆ្នាំ២០០៩ តាមពាក្យបណ្ដឹងរបស់ជនរង គ្រោះឈ្មោះ ស.វ.ណ ឃ.ន ភេទស្រី អាយុ៣៣ឆ្នាំ និងឈ្មោះ ស.វ.ណ ច.ន ភេទស្រី អាយុ១៩ឆ្នាំ អ្នកទាំង២មាន ទីលំនៅឃុំពញាពន់ ស្រុកពញាឮ ខេត្ដកណ្ដាល ។
ជនរងគ្រោះឈ្មោះ ស.វ.ណ ឃ.ន បានបញ្ជាក់ក្នុងពាក្យបណ្ដឹងរបស់ខ្លួនថា នៅដើមឆ្នាំ១៩៩៤ ខ្លួនបានមករស់នៅ ជួយកសាងវត្ដតាមការបញ្ជារបស់ឈ្មោះ រស់ សារិន ហើយរស់ សារិន បាននាំខ្លួន ទៅស្បថនៅលើកំពូលភ្នំព្រះរាជទ្រព្យ ចំនួន៦ចំណុច ១-មិនឱ្យក្បត់ព្រះពុទ្ធ សាសនា គាត់ប្រាប់ថា គាត់ធ្វើអ្វីៗ ដើម្បីព្រះពុទ្ធសាសនា, ២-លាក់ការណ៍ រឿងផ្ទៃក្នុង, ៣-មិនត្រូវចេះដឹងរឿងរបស់ លោកគ្រូ, ៤-គ្រូប្រើឱ្យធ្វើអ្វីធ្វើតាមទាំង អស់, ៥-មិនត្រូវនិយាយប្រាប់បងប្អូន និងអ្នកដទៃរឿងរបស់លោកគ្រូ និង៦- មិនត្រូវធ្វើសិស្សក្បត់លោកគ្រូ ។ បើ ខុសពីសម្បថនឹងស្លាប់ ដោយរន្ទះបាញ់ ដោយគ្រាប់កាំភ្លើង ដោយឡានបុក និង ស្លាប់យ៉ាងវេទនា ដោយមិនឱ្យឃើញ សាកសពជាដើម ។
ជនរងគ្រោះបន្ដថា នៅក្នុងខែមិនចាំ ឆ្នាំ១៩៩៤ ពេលខ្លួនធ្វើការពេលថ្ងៃហត់ នឿយអស់កម្លាំងពេក យប់ក៏ដេកលង់ លក់ក្នុងដំណេក ស្រាប់តែឈ្មោះ រស់ សារិន នេះឯងចូលមកកន្លែងខ្លួនដេក បានចាប់បង្ខំរំលោភរហូតបានសម្រេច។ ពេលគាត់ចាប់រំលោភខ្លួនបានភ្ញាក់ខំរើបម្រះតែត្រូវឈ្មោះ រស់ សារិន ចាប់និង ខ្ទប់មាត់មិនឱ្យស្រែកនិងធ្វើការគំរាម កំហែងថែមទៀត ។
ដោយឡែកជនរងគ្រោះឈ្មោះ ស.វ.ណ ច.ន បានអះអាងក្នុងពាក្យបណ្ដឹង របស់ខ្លួនថា នាងបានទៅរស់នៅជាមួយ នឹងម្ដាយឈ្មោះ ស.វ.ណ ឃ.ន តាំងពី មានវ័យ៧ឆ្នាំ ដល់ឆ្នាំ២០០៤ នាងមាន អាយុ១៤ឆ្នាំ នៅម៉ោងប្រហែល១១ទៅ ១២យប់ ឆ្នាំ២០១៤នោះ នាងកំពុងដេក ម្នាក់ឯង ស្រាប់តែលោកតា រស់ សារិន បានមកដាស់ខ្លួនឱ្យទៅដេកកំដរគាត់ ពីព្រោះមានបារមីស្រីៗមករកគាត់ច្រើន ណាស់ ។ ជនរងគ្រោះបន្ដថា ខ្លួនមិនទាន់ ក្រោកពីដំណេកស្រួលបួលផង ស្រាប់តែ គាត់ចាប់អូសដៃឱ្យចូលក្នុងបន្ទប់របស់ គាត់បោះទៅលើពូក ដោះសម្លៀកបំពាក់ របស់ខ្លួន ហើយនាងភ័យពេកក៏បានលើក ជើងទាក់ឈ្មោះ រស់ សារិន មួយជើង ប៉ុន្ដែគាត់បានយកកាំភ្លើងខ្លីមកភ្ជង់គំរាម បាញ់សម្លាប់ រួចក៏ចាប់នាងរំលោភរហូត បានសម្រេច ។
ពាក់ព័ន្ធនឹងបណ្ដឹងជនរងគ្រោះ សមត្ថ កិច្ចកងរាជអាវុធហត្ថលើផ្ទៃប្រទេសក៏ បានឃាត់ខ្លួនជនសង្ស័យរស់ សារិន កាល ពីថ្ងៃទី១៤ ខែមិថុនា ឆ្នាំ២០០៩ បញ្ជូន ទៅកាន់សាលាដំបូងរាជធានីភ្នំពេញ។
នៅថ្ងៃទី២ ខែកញ្ញា ឆ្នាំ២០១០ សាលា ដំបូងរាជធានីភ្នំពេញបានសម្រេចផ្ដន្ទា ទោសជនជាប់ចោទឈ្មោះ រស់ សារិន ហៅរស់ សារឿន ហៅ រស់ សាវី ដាក់ ពន្ធនាគារកំណត់រយៈពេល១៧ឆ្នាំពីបទ “រំលោភសេពសន្ថវៈ” ដែលប្រព្រឹត្ដនៅ ភ្នំរាប និងវត្ដសុវណ្ណធម្មរាជ កាលពីឆ្នាំ ១៩៩៤,២០០៣, ២០០៤ និងឆ្នាំ២០០៩ ត្រូវផ្ដន្ទាទោសតាមមាត្រា៥ នៃច្បាប់ ស្ដីពីស្ថានទម្ងន់ទោសនៃបទឧក្រិដ្ឋ ។
បើទោះជាជនជាប់ចោទប្ដឹងសាទុក ទៅសាលាឧទ្ធរណ៍ក៏ដោយសាលាឧទ្ទរណ៍ ភ្នំពេញកាលពីថ្ងៃទី១២ ខែមេសា ឆ្នាំ ២០១១ ក៏បានសម្រេចតម្កល់សាល ក្រមព្រហ្មទណ្ឌលេខ៩៥ កប៤ ចុះថ្ងៃទី២ ខែកញ្ញា ឆ្នាំ២០១០ របស់សាលាដំបូង រាជធានីភ្នំពេញទុកជាបានការដដែល និង បន្ដឃុំខ្លួនជនជាប់ចោទ រស់ សារិន ។ ប៉ុន្ដែករណីជនជាប់ចោទរស់ សារិន ពេល ដែលតុលាការកំពូលលោក ឃឹម ប៉ុណ្ណ ជាប្រធានក្រុមប្រឹក្សាជំនុំជម្រះ, លោក ទី ណេង, លោក យូរ ឧត្ដរា, លោក សាលី ធារ៉ា, លោក ច័ន្ទ រង្សី ជាចៅក្រមជំនុំ ជម្រះ និងលោក ហ៊ីង ធីឫទ្ធិ ជាព្រះរាជ អាជ្ញាតំណាងមហាអយ្យការកាលពីថ្ងៃទី ៤ ខែវិច្ឆិកា ឆ្នាំ២០១១ ចេញសាលដីកា សម្រេចបញ្ជូនសំណុំរឿងព្រហ្មទណ្ឌលេខ ២៩២ ចុះថ្ងៃទី៣០ ខែវិច្ឆិិកា ឆ្នាំ២០១០ របស់តុលាការកំពូលទៅសាលាឧទ្ទរណ៍ ដើម្បីជំនុំជម្រះជាថ្មីឡើងវិញ ពាក់ព័ន្ធ នឹងជនជាប់ចោទឈ្មោះ រស់ សារិន បែរជា នៅថ្ងៃទី១២ ខែមេសា ឆ្នាំ២០១២ សាលា ឧទ្ទរណ៍បានចេញសាលដីកាសម្រេចផ្ដន្ទា ទោសឈ្មោះ រស់ សារិន ដាក់ពន្ធនាគារ ៣ឆ្នាំគិតចាប់ពីថ្ងៃទីចាប់ខ្លួនពីបទរំលោភ សេពសន្ថវៈលើឈ្មោះ ស.វ.ណ ច.ន ប្រព្រឹត្ដនៅវត្ដសុវណ្ណធម្មរាជកាលពីឆ្នាំ ២០០៤ តាមមាត្រា២៤០ និងមាត្រា ៩៣, ៩៤ នៃក្រមព្រហ្មទណ្ឌ ហើយឱ្យ ឈ្មោះ រស់ សារិន រួចពីបទចោទរំលោភ សេពសន្ថវៈលើឈ្មោះ ស.វ.ណ ឃ.ន ប្រព្រឹត្ដនៅវត្ដភ្នំរាប ឆ្នាំ១៩៩៤ ដល់ឆ្នាំ ១៩៩៨ និងវត្ដសុវណ្ណធម្មរាជពីឆ្នាំ១៩៩៨ ដល់ឆ្នាំ២០០៣ ។ ក្នុងនោះសាលដីកា នេះមានលោក អ៊ុំ សារិទ្ធ ជាប្រធាន ក្រុមប្រឹក្សាជំនុំជម្រះ, លោក តាំង ស៊ុនឡាយ, លោក ឆាយ ច័ន្ទតារាវណ្ណ ជាចៅក្រមប្រឹក្សា និងលោក ប៉ាន់ គឹមលាន ជាតំណាងមហាអយ្យការ ។
បើទោះជាសាលាឧទ្ធរណ៍ចេញសាល ដីកាសម្រេចផ្ដន្ទាទោសជនជាប់ចោទ រស់ សារិន ដាក់ពន្ធនាគារចំនួន៣ឆ្នាំ ពី បទរំលោភសេពសន្ថវៈជាលក្ខណៈបន្ធូរបន្ថយទោស ដែលគេសង្ស័យថា រឿងនេះ មានភាពមិនប្រក្រតីអាចពាក់ព័ន្ធអំពើពុករលួយព្រោះជនជាប់ចោទមាន ពិរុទ្ធ ភាពគ្រប់គ្រាន់ ដាក់បន្ទុកក្នុងបទឧក្រិដ្ឋ ហើយជនរងគ្រោះជាអនីតិជនក៏ដោយ ក៏តំណាងមហាអយ្យការពុំបានប្ដឹងសាទុក្ខទៅលើសាលដីកាសាលាឧទ្ធរណ៍នេះ ឡើយទើបជនរងគ្រោះផ្នែករដ្ឋប្បវេណី បន្ដប្ដឹងទៅតុលាការកំពូល ប៉ុន្ដែជនជាប់ ចោទ រស់ សារិន ពេលនេះត្រូវបានគេ ឃើញគាត់ចេញពីពន្ធនាគារមានសេរី ភាពនិងបន្ដការធ្វើសកម្មភាពផ្សេងៗ ហើយក៏បង្កើតឱ្យមានការភ្ញាក់ផ្អើលពី មជ្ឈដ្ឋានប្រជាពលរដ្ឋ សមត្ថកិច្ច មន្ដ្រី រាជការ ខណៈដែលជនជាប់ចោទរូបនេះ បានប្រព្រឹត្ដបទឧក្រិដ្ឋកន្លងទៅរងនូវការរិះគន់គ្រប់មជ្ឈដ្ឋាន ក្នុងសង្គម ។
អ្នកច្បាប់បានលើកឡើងថា ករណី ជនជាប់ចោទរស់ សារិន គាត់គឺជាអ្នក មានចំណេះដឹង និងអប់រំ ប្រដៅទូន្មានឱ្យ មនុស្សសាងអំពើល្អ គោរពព្រះពុទ្ធ សាសនាបានន័យថា គាត់ស្គាល់ពីច្បាប់ ទំនៀមទម្លាប់ព្រពៃណី បុណ្យបាប ប៉ុន្ដែ ដល់គាត់ជាអ្នកប្រព្រឹត្ដចាប់រំលោភអ្នក នៅជាមួយ ក្នុងនោះជាអនីតិជនគឺគាត់ មានពិរុទ្ធភាពគ្រប់គ្រាន់ក្នុងការផ្ដន្ទា ទោសក្នុងបទឧក្រិដ្ឋ ប៉ុន្ដែខណៈសាលា ឧទ្ធរណ៍ផ្ដន្ទាទោសលក្ខណ៖បន្ធូរបន្ថយ ទោសអាចជារឿងផ្សេងៗ ឬពាក់ព័ន្ធនឹង អំពើពុករលួយណាមួយ ។
អ្នកច្បាប់បានបន្ដថា រឿងលោក រស់ សារិន បានធ្វើឱ្យល្បីរន្ទឺ ប៉ះពាល់ដល់ បញ្ហាប្រពៃណីសាសនា ហើយសង្គម ស្អប់ខ្ពើម តែពេលឃើញគាត់មានសេរី ភាពចេញពីពន្ធនាគារ ប្រជាពលរដ្ឋ ប្រាកដជាមានការភ្ញាក់ផ្អើល នេះជាការពិត ។
ប្រជាពលរដ្ឋបានបញ្ចេញជាចម្ងល់ថា បើប្រៀបធៀបបទល្មីសរវាងជនជាប់ ចោទ រស់ សារិន នឹងនេត ខៃ, លោក រស់ សារិន ជាប់ចោទបីបទឧក្រិដ្ឋ ហើយ នេត្រ ខៃ ជាប់ចោទពីបទល្មើសមជ្ឈឹម ប៉ុន្ដែ នេត្រ ខៃ បន្ដការជាប់ឃុំក្នុងពន្ធនាគារ ខណៈបានថតរូបស្រាតស្រីក្មេង ចាស់ងូតក្នុងបន្ទប់ទឹកវត្ដស្រះចក ហើយ ជនជាប់ចោទ រស់ សារិន បែរជាមានសេរីភាព ពេលជាប់ចោទពីបទរំលោភ សេពសន្ថវៈទៅលើអនីតិជន?
កន្លងទៅមានស្ដ្រីជាច្រើនដែលរង គ្រោះដោយសារលោក រស់ សារិន បោក បញ្ឆេតតាមជំនឿមន្ដអាគមគ្រប់បែបយ៉ាង ប៉ុន្ដែអស់ជំនឿ និងធ្វើការថ្កោល ទោសពេលដែលឃើញសមត្ថកិច្ចកង រាជអាវុធហត្ថចាប់ខ្លួនប្រមូលបានភស្ដុ តាងប្រព្រឹត្ដពាលាអាណាចារជាដើមនោះ ៕
