ក្មេងស្ទាវ១ក្រុមជិះម៉ូតូ ដេញចាក់យុវជន២នាក់ ឱ្យរបួសធ្ងន់ស្រាល
ខេត្ដស្វាយរៀង
៖ យុវជន២នាក់បានរងរបួសធ្ងន់ស្រាល ខណៈដែលត្រូវក្រុម
ក្មេងស្ទាវមួយក្រុមជិះម៉ូតូដេញវាយនិង
ចាក់ដូចក្នុងរឿងចិនហុងកុងធ្វើឱ្យមាន
ការភ្ញាក់ផ្អើលដល់មនុស្សរាប់រយនាក់ ដែលកំពុងទស្សនា Concert
រត់ជាន់គ្នា ទាំងព្រលឹងចុងសក់ កាលពីវេលាម៉ោង ១១យប់ ថ្ងៃទី២៧
ខែកុម្ភៈ ឆ្នាំ២០១៤ នៅក្នុងភូមិបាវិតកណ្ដាល សង្កាត់-ក្រុង
បាវិត។បើតាមសម្ដីយុវជនរងគ្រោះមាន ឈ្មោះ រ័ត្នថា អាយុ២១ឆ្នាំ មុខរបរកម្មករ រោងចក្រ មានទីលំនៅក្នុងភូមិពោធិ៍ ឃុំ មេសថ្ងក ស្រុកចន្ទ្រា បានរៀបរាប់ឱ្យ ដឹងថា មុនពេលកើតហេតុរូបគេនិងមិត្ដ ភក្ដិម្នាក់ឈ្មោះ សួរ ទ្រី អាយុ២៤ឆ្នាំ មុខ របរកម្មកររោងចក្រ មានទីលំនៅក្នុង ភូមិរោងចង្រឹត សង្កាត់បាទី ក្រុងបាវិត បានបបួលគ្នាមកមើល Corcert ។
ប្រភពព័ត៌មានបន្ដថា ខណៈដែលកំពុងឈរមើលគេច្រៀងរាំរហូតដល់ វេលាម៉ោង១១យប់ ស្រាប់តែមានក្រុម ក្មេងស្ទាវជិះម៉ូតូ៤ទៅ៥គ្រឿងមានគ្នា ប្រហែល៧-៨នាក់ ក៏មានជម្លោះជា មួយក្រុមក្មេងស្ទាវនិងបានប្រទូស្ដរ៉ាយ គ្នា។ ដោយឃើញសភាពការណ៍បែប នេះ រូបគេនិងមិត្ដភក្ដិក៏នាំគ្នាឡើងជិះ ម៉ូតូបានប្រមាណ៣ម៉ែត្រ ក៏ត្រូវក្មេង ស្ទាវទាំងនោះដកខ្សែក្រវាត់មកវាយនិង យកកាំបិតចាក់ទៅលើមិត្ដភក្ដិឈ្មោះ សួរ ទ្រី ពីក្រោយខ្នងចំក្បាលមួយកាំបិត រីឯរូបគេរងរបួសស្រាលនិងស្រែកហៅ អ្នកភូមិជួយ។
ក្រោយពីបង្កហេតុ ក្រុមក្មេងស្ទាវ ទាំងនោះនាំគ្នាឡើងជិះម៉ូតូគេចខ្លួន ភ្លាមៗ ដោយបន្សល់រូបគេនិងមិត្ដភក្ដិ ត្រូវបានអ្នកភូមិហៅរថយន្ដសាមុយដឹក យកទៅកាន់មន្ទីរពេទ្យប្រតិបត្ដិការជីភូ ដោយមុខរបួសធ្ងន់ធ្ងរពេកក៏ត្រូវគ្រូ ពេទ្យបញ្ជូនបន្ដមកកាន់មន្ទីរពេទ្យបង្អែក ខេត្ដស្វាយរៀង។
រហូតមកដល់វេលាម៉ោង៩ព្រឹកថ្ងៃទី ២៨ ខែកុម្ភៈ ឆ្នាំ២០១៤ យុវជនរងគ្រោះឈ្មោះសួរ ទ្រី មានសភាពធ្ងន់ធ្ងរដោយ គ្រូពេទ្យមិនហ៊ានវះកាត់រង់ចាំម្ដាយ យុវជនរងគ្រោះមិនសិន ព្រោះហូរឈាមនិងពាក់ព័ន្ធដល់សួតផងដែរ។ បច្ចុប្បន្ន នគរបាលក្រុងបាវិតកំពុងស្រាវជ្រាវរក ជនសង្ស័យជាក្មេងទំនើងទាំងនោះមក ផ្ដន្ទាទោសតាមច្បាប់ ៕
ប្រភពពី នគរវត្ត
