អនុរដ្ឋមន្ត្រីការបរទេសអង់គ្លេស នឹងមកកម្ពុជា ដើម្បីស្វែងយល់ពីស្ថានភាពនយោបាយ
អនុរដ្ឋមន្ត្រីការបរទេសចក្រភពអង់
គ្លេស នឹងមកបំពេញទស្សនកិច្ចនៅកម្ពុជា រយៈពេលពីរថ្ងៃ
ដោយចាប់ផ្តើមពីថ្ងៃព្រហស្បតិ៍នេះ
ដើម្បីស្វែងយល់ពីស្ថានភាពនយោបាយ
ខណៈដែលកម្ពុជាកំពុងមានវិបត្តិក្រោយការបោះឆ្នោត។
យោងតាមសេចក្តីប្រកាសព័ត៌មានរបស់
ស្ថានទូតអង់គ្លេស ដែលចេញផ្សាយនៅថ្ងៃទី២៩ ខែមករានេះ ឲ្យដឹងថា
អនុរដ្ឋមន្ត្រីការបរទេសអង់គ្លេស លោក Hon Hugo Swire
នឹងមកបំពេញទស្សនកិច្ចនៅកម្ពុជារយៈពេល២ថ្ងៃ គឺចាប់ពីថ្ងៃទី៣០
ដល់ថ្ងៃទី៣១ ខែមករានេះ ដើម្បីពង្រឹងចំណងទាក់ទងរវាងប្រទេសទាំងពីរ
និងស្វែងយល់ពីស្ថានភាពនយោបាយនៅកម្ពុជា។
សេចក្តីប្រកាសព័ត៌មានដដែល បញ្ជាក់ថា
ក្នុងដំណើរទស្សនកិច្ចលើកទី១នេះ លោក Hon Hugo Swire
នឹងជួបជាមួយមេដឹកនាំគណបក្សជាប់ឆ្នោតទាំងពីរ រួមមាន លោកហ៊ុន សែន
នាយករដ្ឋមន្ត្រីកម្ពុជា លោកហោ ណាំហុង រដ្ឋមន្ត្រីការបរទេសកម្ពុជា
និងថ្នាក់ដឹកនាំគណបក្សសង្គ្រោះជាតិ
ដើម្បីពិភាក្សាជុំវិញស្ថានការណ៍នយោបាយ។ ជាមួយគ្នានេះផងដែរ
លោកនឹងពិនិត្យមើលពីសក្តានុពលក្នុងការបង្កើនទំនាក់ទំនងផ្នែក
ពាណិជ្ជកម្មរវាងកម្ពុជា និងអង់គ្លេស ដើម្បីបង្កើនកំណើនសេដ្ឋកិច្ច
នាពេលខាងមុខ។
ដំណើរទស្សនកិច្ចរបស់
រដ្ឋមន្ត្រីការបរទេសអង់គ្លេស
ធ្វើឡើងខណៈដែលកម្ពុជាកំពុងជួបនូវបញ្ហាជាប់គាំងផ្នែកនយោបាយ
ក្រោយការបោះឆ្នោតជ្រើសតាំងតំណាងរាស្ត្រអាណត្តិទី៥មក៕
