រសៀលថ្ងៃនេះ លោកស៊ូបែឌី នឹងធ្វើសន្និសីទកាសែតមួយ ពីដំណើរទស្សនកិច្ច របស់លោក នៅកម្ពុជា
យោងតាមសេចក្តីជូនព័ត៌មាន របស់ការិយាល័យឧត្តមស្នងការ អង្គការសហប្រជាជាតិ ទទួលបន្ទុកផ្នែក សិទ្ធិមនុស្ស (OHCHR) បានអះអាងថា សន្និសីទសារព័ត៌មាននេះ នឹងធ្វើនៅការិយាល័យរបស់ OHCHR នាទីក្រុងភ្នំពេញ វេលាម៉ោង ១:៣០ នាទី រសៀល ថ្ងៃទី១៦ ខែមករា ឆ្នាំ២០១៤នេះ។
នៅក្នុងសន្និសីទសារព័ត៌មាននេះ លោក ស៊ូប៊ែឌី នឹងធ្វើបទបង្ហាញ អំពីខ្លឹមសំខាន់ៗមួយចំនួន ដែលត្រូវបានលើកឡើង ក្នុងដំណើរបេសកកម្មរបស់លោក ហើយលោកក៏នឹងផ្តល់វេទិកាសួរឆ្លើយ ដល់អ្នកសារព័ត៌មានទាំងឡាយ ដែលចូលរួមផងដែរ ទាក់ទងនឹងអាណត្តិការងារបស់លោក។
លោកបានមកបំពេញទស្សនកិច្ច នៅកម្ពុជា ចាប់តាំងពីថ្ងៃទី១២ ខែមករា បន្ទាប់ពីលោកកាន់តំណែង ជាអ្នករាយការណ៍ពិសេស របស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា ក្នុងឆ្នាំ២០០៩។
ក្នុងដំណើរទស្សនកិច្ចពេលនេះ នៅកម្ពុជា លោកស៊ូប៊ែឌី បានត្រូវអនុញ្ញាតឲ្យចូលជួបសម្តែងការគួរសម និងពិភាក្សាការងារ ជាមួយសម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ក្នុងឱកាសស្នាក់អាស្រ័យនៅកម្ពុជានេះដែរ លោកស៊ូប៊ែឌី ក៏បានជួបពិភាក្សាការងារជាមួយនឹងមន្ត្រីអង្គការ សង្គមស៊ីវិល មួយចំនួនផងដែរ។ ប៉ុន្តែលោកមិនបានទៅចូលរួម អង្កេតការណ៍ព្រឹត្តិការណ៍ ដែលមេដឹកនាំ គណបក្សប្រឆាំង ចូលទៅបំភ្លឺ នៅសាលាដំបូងរាជធានីភ្នំពេញ កាលពីថ្ងៃទី១៤ ខែមករា ដូចការលើកឡើងរបស់ មេដឹកនាំគណបក្សប្រឆាំងនោះទេ៕
ប្រភពពី
