កឹម សុខា អញ្ជើញនាយករដ្ឋមន្ត្រី ហ៊ុន សែន ទៅទីលានប្រជាធិបតេយ្យ ដើម្បីបកស្រាយ អំពីលទ្ធភាពនៃការរៀបចំការបោះឆ្នោតឡើងវិញ
ការថ្លែងបែបនេះ បានធ្វើឡើងនៅចំពោះមុខបាតុករនៅទីលានប្រជាធិបតេយ្យកាលពីនៅរសៀលថ្ងៃនេះ។លោកលើកឡើងថា ការបោះឆ្នោត ឡើងវិញពិតជាអាចធ្វើទៅរួច ព្រោះមានចែងនៅក្នុងច្បាប់ មិនដូចការអះអាងរបស់លោកនាយករដ្ឋមន្ត្រីហ៊ុនសែនទេ។
លោក កឹម សុខា បញ្ជាក់ថា ប្រសិនបើលោកនាយករដ្ឋមន្ត្រី ហ៊ុន សែន ចង់បកស្រាយឲ្យច្បាស់ ឲ្យប្រជាពលរដ្ឋបានដឹង ត្រូវចូលរួមបកស្រាយនៅ ទីលាន ប្រជាធិបតេយ្យនៅថ្ងៃអាទិត្យស្អែកនេះ ពេលដែលប្រជាពលរដ្ឋប្រមាណប្រាំពីរម៉ឺននាក់ចូលរួម។
គួរបព្ជាក់ថា គណបក្សសង្គ្រោះជាតិ បានដាក់ឱសាទវាទចំនួន៣ខែ ឲ្យរដ្ឋាភិបាលរបស់គណបក្សប្រជាជនកម្ពុជា រៀបចំបោះឆ្នោតឡើងវិញ ហើយលោកនាយករដ្ឋមន្រី្ត ហ៊ុន សែន មិនចុះចេញពីតំណែង និងព្រមានបាតុកម្មបិទផ្លូវ នៅដើមឆ្នាំ២០១៤ខាងមុខនេះ។
ទាក់ទងទៅនឹងការដាក់ឱសាទវាទខាងលើនេះ ត្រូវបានលោកនាយករដ្ឋមន្ត្រីបានព្រមានតបទៅគណបក្សសង្គ្រោះជាតិ ដែលចង់ធ្វើបាតុកម្មបិទផ្លូវនោះ ដោយលើកឡើងថា ប្រសិនបើបាតុកម្មឈានដល់ការបិទផ្លូវ គឺការខុសច្បាប់ ហើយរដ្ឋាភិបាលនឹងឆ្លើយតបតាមវិធានការផ្លូវច្បាប់។ បាតុកម្មបិទផ្លូវ គឺជាការបិទឈាមខ្លួនឯង សមត្ថកិច្ចនឹងប្រើកម្លាំងបង្ក្រាប ៕
ប្រភពពី Free Press Magazine
