ប៉េអឹមចាប់អ្នកកាសែតនិងបក្ខពួក ព្រោះមានគ្រឿងញៀន
លោក សូ ឌី នាយរងមន្ទីស្រាវជ្រាវ និងយុត្តិធម៌ បានឲ្យដឹងថា បុរស៤នាក់ជួញដូរថ្នាំញៀនដែលឃាត់ខ្លួនទី១. ឈ្មោះប៉ាវ ទិណារ៉ុង អាយុ៣០ឆ្នាំ អ្នកយកព័ត៌មានគ្រប់ខេត្តក្រុងរាជធានី ឲ្យកាសែត “ខ្មែរម្ចាស់ស្រុក” ស្នាក់នៅក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។ ទី២ .សុខ ស៊ីណាត ហៅ ព្រលិត អាយុ៣៦ឆ្នាំ ជាមុខសញ្ញាជួញដូរថ្នាំញៀ
នចាស់ គឺជាអ្នកកាន់ថ្នាំញៀន២ថង់។ ទី៣ . បរ បូរ៉ាមី អាយុ៣៦ឆ្នាំ។ ក្នុងប្រតិបត្តិការនេះកម្លាំងបានឃាត់ខ្លួនបុរស៣នាក់ និងដកហូតបានថ្នាំម៉ាទឹកកក២ថង់ទម្ងន់ថ្លឹងរួចចំនួន៣០ក្រាម ជញ្ជីងថ្លឹងថ្នាំញៀនចំនួន២គ្រឿង ទូរស័ព្ទដៃចំនួន៩គ្រឿង និងរថយន្តកាមរីសេរីឆ្នាំ៩២មួយគ្រឿងកាលពីម៉ោង១រសៀលថ្ងៃទី២០ ខែធ្នូឆ្នាំ២០១៣ នៅចំណុចបន្ទប់ផ្ទះសំណាក់ ខូហៅ នៅ
ភូមិរំចេក៤ សង្កាត់រតនៈ ក្រុងបាត់ដំបង។ ទី៤. ហួន សុភ័ក្រ ហៅ ស៊ឺ អាយុ៣០ឆ្នាំ មុខរបរមិនពិតប្រាកដ មានទីលំនៅភូមិកម្មករសង្កាត់ស្វាយប៉ោ ក្រុងបាត់ដំបង។ កម្លាំងដកហូតបានថ្នាំញៀនម៉ាទឹកកក២កញ្ចប់តូច និងម៉ូតូមួយគ្រឿង នៅតាមផ្លូវសាធារណៈ ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង។
លោក សូ ឌី បានបញ្ជាក់ថា សមត្ថកិច្ចតាមដានមុខសញ្ញាឈ្មោះ សុខ ស៊ីណាត ចូលទៅក្នុងបន្ទប់ផ្ទះសំណាក់ ខូហៅ នៅភូមិរំចេក៤ សង្កាត់រតនៈ ហើយម្ចាស់ផ្ទះសំណាក់បានរាយការណ៍ប្រាប់ថា មានមនុស្សសង្ស័យជួញដូរថ្នាំញៀន ព្រោះមានមនុស្សសង្ស័យជាច្រើននាក់ចេញចូល។ កម្លាំងបានចុះទៅឆែកឆេរបន្ទប់ផ្ទះសំណាក់នោះ ឃើញមានមនុស្សប្រុស៤នាក់ នៅខាងក្នុងនោះមានឈ្មោះ សុខ ស៊ីណាត មុខសញ្ញាដែលតាមដានផង។ ក្រុមជួញដូរថ្នាំញៀននេះពេលសមត្ថកិច្ចចូលទៅក្នុងបន្ទប់ពួកគេទាំង៤ នាក់ បានសម្រុងរត់ចេញមកក្រៅ។ ពេលនោះឈ្មោះ សុខ ស៊ីណាតបានរត់ទៅផ្លោះរបងផ្ទះសំណាក់ ហើយបោះចោលកាបូបមួយទៅលើទទឹកផ្ទះសំណាក់។ ចំណែកឈ្មោះ ឡាយ បានសម្រុករត់គេចចេញរួចបាត់តែម្ដង។ កម្លាំងបានឃាត់ខ្លួន៣នាក់នេះ ក្នុងនោះឈ្មោះ ប៉ាវ ទិណារ៉ុង មានកាន់កាតកាសែត “ខ្មែរម្ចាស់ស្រុក” ។
បច្ចុប្បន្នបុរសទាំង៤នាក់ និងវត្ថុតាង កម្លាំងបានកសាងសំណុំរឿង បញ្ជូនទៅតុលាការនៅរសៀលថ្ងៃទី២១ ខែធ្នូឆ្នាំ២០១៣នេះ ដើម្បីចាត់ការទៅតាមផ្លូវច្បាប់៕M/L
ឈ្មោះប៉ាវ ទិណារ៉ុង
អាយុ៣០ឆ្នាំ អ្នកយកព័ត៌មានគ្រប់ខេត្តក្រុងរាជធានី ឲ្យកាសែត
“ខ្មែរម្ចាស់ស្រុក” ស្នាក់នៅក្នុងភូមិព្រែកមហាទេព សង្កាត់ស្វាយប៉ោ
ក្រុងបាត់ដំបង
ប្រភពពី CEN
