ចាប់រថយន្តយោធាកងពលលេខ៥ ដឹកឈើគ្រញូងនៅខេត្តឧត្តរមានជ័យ
លោក សួន វណ្ណា មេបញ្ជាការអាវុធហត្ថក្រុង អោយដឹងថា រថយន្តត្រីអ៊ី ម៉ាកនីសាន់ ពាក់ស្លាកលេខ ខ ម ៣២០០ ដែលគេស្គាល់ថា ជារថយន្តរបស់ អង្គភាពកងពលលេខ៥ ត្រូវបានសង្ស័យជាច្រើនលើករួចមកហើយព្រោះរាល់ការធ្វើចរាចរមានទំងន់ ធ្ងន់ ហេតុនេះប៉េអឹម ក៏ធ្វើការឆែកឆេរឃើញឈើគ្រញូងដាក់បង្កប់ពេញធុងទឹកកកមួយធំ ដាក់នៅពីក្រោយរថយន្ត និងមានដាក់ឈើក្នុងការប៊ីនបាំងខាងក្រោយមួយចំនួនផងដែរ ។ឈើគ្រញូងទាំងនោះជាប្រភេទខ្នាតដុំឥដ្ឋ និងមួយចំនួនទៀត ជាប្រភេទសន្លឹកបន្ទះសរុបជាង ២០០ គីឡូក្រាមត្រូវបានបញ្ជូនទៅតុលាការចាត់ការតាមនិតិវិធី៕
ប្រភពពី CEN
