កម្ពុជារង់ចាំភាគីថៃ ក្នុងការអនុវត្តន៍ សាលដីកាតុលាការ យុត្តិធម៌អន្តរជាតិICJ លើដីតំបន់ប្រសាទព្រះវិហារ
លោកឧបនាយករដ្ឋមន្ត្រីហោ ណាំហុង បានថ្លែងកាលពីថ្ងៃសៅរ៍ថា កម្ពុជា កំពុងរង់ចាំភាគីថៃក្នុងការបើកកិច្ចពិភាក្សលើការអនុវត្តន៍សាលដីកាតុលាការអន្តរជាតិក្រុងឡាអេ ICJ ។
លោកឧបនាយករដ្ឋមន្ត្រីថ្លែងដូច្នេះ នៅក្នុងឱកាសដែលលោកអញ្ជើញទៅបំពេញទស្សនកិច្ចនៅតំបន់ព្រំដែនប្រសាទព្រះវិហារ ដើម្បីផ្សព្វផ្សាយសាលដីការរបស់តុលាការ ICJ លើករណីជម្លោះដី តំបន់ប្រសាទព្រះវិហាររវាងកម្ពុជា និងថៃ ។ ប្រភពពីកងទ័ពកម្ពុជា នៅតំបន់ប្រាសាទព្រះវិហារបានអោយដឹងថា កាលពីព្រឹកថ្ងៃសៅរ៍នេះ លោកឧបនាយករដ្ឋមន្ត្រីហោ ណាំហុង បានជួបជាមួយនាយទាហាន និងពលទាហានកម្ពុជាប្រមាណ២០០០នាក់ ។
ថ្វីបើកម្ពុជា បានត្រៀមខ្លួនរួចរាល់ហើយក្តី ប៉ុន្តែស្ថានការណ៍វឹកវរផ្នែកនយោបាយនៅប្រទេសថៃអាចធ្វើអោយមានការពន្យាពេលការអនុវត្តន៍សាលដីការបស់តុលាការ ICJ ។
តុលាការពិភពលោកមួយនេះ បានចេញសាលដីកាកាលពីថ្ងៃទី១១ វិច្ឆិកា ឆ្នាំ២០១៣ ដោយសម្រេចអោយកងទ័ពថៃដកចេញពីទឹកដីតំបន់ជម្លោះ ដែលតុលាការនេះសម្រេចថា ជាទឹកដីរបស់កម្ពុជា ។
កាលពីពេលមុន ភាគីថៃ បានអះអាងថា សាលដីការបស់តុលាការICJឆ្នាំ១៩៦២ បានសម្រេចអោយកម្ពុជាឈ្នះក្តីលើប្រទេសថៃ តែចំពោះតួប្រសាទព្រះវិហារទេ ប៉ុន្តែថៃបានអះអាងថា ដីតំបន់ជុំវិញប្រសាទនេះគឺជាដីរបស់ខ្លួន ៕
ប្រភពពី Free Press Magazine
