ប្រិយមិត្តធ្លាប់ដឹងហើយថាទូរស័ព្ទទំនើបដែលមានតម្លៃទាប និងមធ្យម ភាគច្រើនជាផលិតផលរបស់ប្រទេសចិន តែតាមពិតទៅសហរដ្ឋអាមេរិកក៏មានផលិតទូរស័ព្ទំនើបដំណើរការដោយប្រព័ន្ធប្រតិបត្តិការ Android ដែលមានតម្លៃទាបនិងមធ្យមផងដែរ ។ លោកអ្នកដែលជាប្រិយមិត្តចាស់របស់ពពកប្រហែលជា
ធ្លាប់បានឮឈ្មោះក្រុមហ៊ុន
Blu Products ហើយ ព្រោះថាយើងខ្ញុំធ្លាប់បានចេញអត្ថបទមួយចំនួនមកហើយទាក់ទងនឹងទូរស័ព្ទទំនើបរបស់ក្រុមហ៊ុនមួយនេះ ។ បើយោងតាមប្រភពពី Gizchina បានឲ្យដឹងថាក្រុមហ៊ុន Blu Products ទើបតែប្រកាសចេញនូវទូរស័ព្ទទំនើបដ៏ថ្មីសន្លាងមួយម៉ូដែលទៀតគឺ Blu Life Pure ដែលមានលក្ខណសម្បត្តិបច្ចេកទេសដូចខាងក្រោម៖
- អេក្រង់ទំហំ 5-inch
- កម្រិតភាពច្បាស់នៃអេក្រង់1080p Full HD
- CPU Quad-core 1.5GHz
- RAM 2 GB
- អង្គផ្ទុកទិន្នន័យជាប់ម៉ាស៊ីនទំហំ 32 GB
- កាមេរ៉ាមុខទំហំ 5 MP និង កាមេរ៉ាក្រោយទំហំ 13 MP
- ដំណើរការដោយ Android 4.2 Jelly Bean
- ថាមពលថ្ម 2,000mAh
សូមបញ្ជាក់ថាក្រុមហ៊ុនមិនទាន់មានបង្ហើបឲ្យដឹងពីកាលបរិច្ឆេទបញ្ចេញ Blu Life Pure ទៅលើទីផ្សារនៅឡើយទេ ប៉ុន្តែគឹជឿថា Blu Life Pure នឹងមានវត្តមានលើទីផ្សារសហរដ្ឋនៅដើមឆ្នាំក្រោយនេះ ដោយលក់ក្នុងតម្លៃប្រហែល $349 ៕
សូមទស្សនាវីឌីអូខាងក្រោម៖
