Untethered Jailbreak iOS 7 ត្រូវបាន Evasi0n ប្រកាសចេញជាផ្លូវការ
ចំពោះសារប្រយោជន៍នៃការ Jailbreak ឧបករណ៍ iDevice ប្រិយមិត្តប្រហែលជាបានដឹងខ្លះហើយថា បន្ទាប់ពី Jailbreak បានរួចរាល់អ្វីដែលពិសេសសម្រាប់ជនជាតិខ្មែរយើងនោះគឺ ឧបករណ៍របស់អ្នកអាចមើល និងសរសេរអក្សរខ្មែរបាន ។ ក្រៅពីនេះ អ្នកក៏អាចដំឡើងនូវកម្មវិធីដ៏សំបូរបែបជាច្រើនក្រៅពី AppStore របស់ក្រុមហ៊ុន Apple ផងដែរ ដែលជួយផ្ដល់ឲ្យឧបករណ៍របស់អ្នកមានសមត្ថភាពកាន់តែខ្ពស់សម្រាប់ការប្រើប្រាស់ ។
រូបភាពដំណើរការនៃកម្មវិធី Evasi0n7 លើ Mac OS X:
ជាការពិតថ្វីបើពុម្ពអក្សរខ្មែរ អាចធ្វើការដំឡើងនៅក្នុង iOS 7 ដោយពុំចាំបាច់ Jailbreak ក្ដី ប៉ុន្តែឧបករណ៍របស់អ្នកអាចប្រើបានត្រឹមតែការអាន តែប៉ុណ្ណោះ ដូច្នេះដើម្បីអាចសរសេរអក្សរខ្មែរបាន អ្នកត្រូវធ្វើការ Jailbreak ឧបករណ៍របស់អ្នក នេះជាការចំបាច់ ។ ដោយឡែកបន្ទាប់ពី Jailbreak ឧបករណ៍របស់អ្នករួច សូមរង់ចាំតាមដានពីដំណឹងនៃការដំឡើងពុម្ពអក្សរ និងក្ដារចុចខ្មែរ នាពេលក្រោយទាំងអស់គ្នាពីក្រុមអ្នក Developers របស់ខ្មែរ ។
ទាញយក Evasi0n7 សម្រាប់ Mac OS X ឬ Windows ពីរ evasi0n.com ៕
