ភ្នំពេញ៖ បុរសជាជនជាតិ បរទេសម្នាក់ ត្រូវរងរបួស លើដងខ្លួននិង ផ្ទៃមុខ ស្ថិតក្នុង សភាពធ្ងន់ធ្ងរ ដោយ សាររូបគេ ដើរចេញពីស្តាម៉ាតទិញសម្ភារះ ហើយត្រូវ ក្រុមចោរប្លន់មានគ្នាពីរនាក់ កាន់ដបមកវៃបំបែក ក្បាលនិង យកបំណែក ចាក់ទៅលើដងខ្លួន និងបំពងក ប្លន់យកកាបូបលុយ បានសម្រេច កាលពីវេលាម៉ោង ១២និង២០នាទីរំលង អាធ្រាត្រឈានចូលថ្ងៃទី២៣ ធ្នូ ឆ្នាំ២០១៣ ស្ថិតនៅចំនុចមុខស្តារម៉ាក Panda ផ្លូវ១៣ កែង១៧៨ សង្កាត់ជ័យជំនះ ខណ្ឌដូនពេញ ។     
យោងតាមប្រភពព័ត៌មាន ពីសាក្សីដែលបាន ឃើញហេតុការណ៍ ខាងលើបានឲ្យដឹងថា មុនពេល កើត ហេតុ គេសង្កេតឃើញ ជនជាតិបរទេសម្នាក់ បានដើរចូល ទៅក្នុងស្តាម៉ាត Panda មួយសន្ទុះក្រោយមក ក៏ដើរចេញមកវិញ និងយួរសម្ភារះមួយស្បោង ចេញពីស្តាម៉ាត ដើរតាមបណ្តោយផ្លូវ១៧៨ បំណងទៅផ្ទះជិត កន្លែងកើតហេតុ ប៉ុន្តែដើរបានចម្ងាយជិត១០០ម៉ែត្រពីស្តាម៉ាត ស្រាប់តែមានជនសង្ស័យ ជិះម៉ូតូមួយគ្រឿង និងកាន់ដបស្រាមួយដប មកស្ទាក់ធ្វើសកម្មភាព វាយក្បាលបុរស ជនជាតិបរទេសខាងលើ បណ្តាលឲ្យបែកក្បាលនិងបែកដប ហើយជនបរទេស បានប្រតាយប្រតប់គ្នា ជាមួយក្រុមចោរប្លន់ ទើបបណ្តាលឲ្យក្រុមចោរ ទ្រាំមិនបានយកអំបែង ដបទៅចាក់លើដងខ្លួន និងបំពងក ជនជាតិបរទេសខាងលើបណ្តាលឲ្យរងរបួសធ្ងន់ ធ្ងរដួលហូរឈាមជោគខ្លួន ។
ក្រោយមកក្រុមចោរប្លន់ បានដណ្តើមយកកាបូបលុយ ពីក្នុងហោប៉ៅ ជនបរទេសរួច ពួកចោរបានជិះម៉ូតូឌុបគ្នា រត់គេចបាត់ ស្រមោលភា្លមៗ ។
គួរបញ្ជាក់ថា ក្រោយកើតហេតុប្រជាពលរដ្ឋ នៅជិតកន្លែងកើតហេតុ បានហៅរថយន្តសាមុយ មកដឹកជនរងគ្រោះទៅកាន់មន្ទីរពេទ្យ ដើម្បីព្យាបាលរបួសបន្ទាន់ និងបានរាយការណ៍ ទៅសមត្ថកិច្ចមូល ដ្ឋាន ឲ្យចុះមកជួយអន្តរាគមន៍ស្រាវជ្រាវ តាមចាប់ក្រុមចោរប្លន់ខាងលើ យកមកផ្តន្ទាទោសតាមច្បាប់៕