កឹម សុខា៖ បើមានហិង្សាណាមួយកើតឡើងនោះ រដ្ឋាភិបាលជាអ្នកទទួលខុសត្រូវ
លោក កឹម សុខា អនុប្រធានគណបក្សសង្គ្រោះជាតិថែ្លងនៅចំពោះមុខបាតុករនៅទីលា នប្រជាធិបតេយ្យ ថា ប្រសិនបើមានអំពើហិង្សាណា មួយកើតឡើងនោះជាការទទួលខុសត្រូវរដ្ឋាភិបាល។
ការលើកឡើងរបស់លោក កឹម សុខា ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន ព្រមាន កាលពីថ្ងៃសុក្រថា ប្រសិនបើបាតុកររបស់គណបក្សសង្គ្រោះជាតិហ៊ានបិទផ្លូវណាមួយ ដែលនាយករដ្ឋមន្ត្រីចាត់ទុកថាជា សរសៃឈាមនោះ លោក ហ៊ុន សែន នឹងប្រើវិធានការផ្លូវច្បាប់ដើម្បីការពារ សណ្តាប់ ធ្នាប់សង្គម។
អនុប្រធានគណបក្សសង្គ្រោះជាតិលោក កឹម សុខាថ្លែងថា ប្រសិនបើមានអំ ពើហិង្សា កើតឡើងលើបាតុករនោះ ជាការទទួលខុសត្រូវរបស់រដ្ឋាភិបាលព្រោះគណបក្សសង្គ្រោះជាតិប្រកាន់ គោលការណ៍តវ៉ាដោយអហិង្សា។
លោក កឹម សុខា ថ្លែងនៅចំពោះមុខបាតុករមុនពេលហែក្បួននៅថ្ងៃអាទិត្យនេះថា គណបក្សសង្គ្រោះជាតិនៅតែប្រកាន់ជំហរតវ៉ាទាមទាររកយុត្តិធម៌ក្នុង សង្គមក៏ដូចជាការ ទាមទារឲ្យមានការបោះឆ្នោតឡើងវិញសន្តិវិធី ដោយមិនយកខ្មែរណាជាសត្រូវ៕
ប្រភពពី Free Press Magazine
